Mateo 6:9 - Tachi Ak'õre Pedea

⁹ Mãɨpuru Tachi Ak'õrea nãɨya ɨt'aa chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma.

Mateo 6:9 ပူးပေါင်းရင်းမြစ်များ

Mateo 10:29

¿Netopatawẽk'ãra ĩpana chae ume p'anɨ erreara tau aba bɨ pari? Maamina mãra Ak'õre pajãne bɨpa mãɨ itu bɨepɨra, aba pida ĩpana piuiwẽma.

Mateo 23:9

Mãɨ awara nãɨ ĩjũanepema mi ãpia pida abaɨa pida “tai ak'õre” arãt'ɨ, Ak'õre abapuru pajãne uru p'anɨ pẽra.

Mateo 26:29

Mɨa jararuma: mɨa uvaba waa toiwẽma aba mɨ Ak'õrepa jõma ichidirã ichi juade ua beerudea. Mãɨyapuru mɨa mãra ome uvaba mãicha toipɨ.

Mateo 26:42

Maapae Jesú mãicha wãk'ari Tachi Ak'õrea ɨt'aa chiidisima: «Mɨ Ak'õre, mɨ minachia mĩapiipɨra, pɨa k'ɨ̃ria bɨ jĩra mĩapise».

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

Mateo 6:14

»Waapẽarãpa mãra ne piawẽa oodada k'ɨ̃risia atuadaipɨra, mãrapa ne piawẽa oodada mãra Ak'õre pajãne bɨpa k'ɨ̃risia atuaipɨ.

Mateo 6:6

Pɨa Tachi Ak'õrea ɨt'aa chiidirude pɨchi tede eda wãse. Chi eda wãpataɨ jɨ̃at'ɨk'ari pɨchi tuaba pɨ Ak'õrea ɨt'aa chiidise. Pɨa k'ĩup'ea nepia oo bɨ Tachi Ak'õrepa unuparima. Ichiapuru pɨá nepia teaipɨ.

Mateo 7:11

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa nepia teaiwẽk'ãra?

Luca 15:18

Ara nãɨena mɨ ak'õremá wãyane asima. Wãk'ari, nãɨya jarayade asima: Ak'õre, mɨa nemietá oosima Tachi Ak'õre k'ĩrari mãɨnepa pɨ k'ĩrari pida.

Luca 15:21

Mãɨne chi warrapa jarasima: “Ak'õre, piarã mɨa Tachi Ak'õre k'ĩrari, pɨ k'ĩrari pida nemietá oosima. Mãɨpuru pia bɨwẽma mɨ waa pɨ warraade ait'a”.

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

Romano 1:7

Mɨa nãɨ k'art'a bɨruma ãarea Romanepema ũpẽarã pae. Tachi Ak'õrepa mãra k'ɨ̃ria bɨma mãɨnepa t'ɨ̃sima ichi ẽpẽrarã p'ananamẽrá. Mɨa k'ɨ̃ria bɨma Tachi Pajãnepema Ak'õrepa, Tachi Chipari Jesucristo ome ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Gálata 1:1

Mɨ Pablopɨ, Jesucristopa peedapɨ. Ẽpẽrarãpa mɨ jɨrɨ atadaé pasima Jesucristopa peeda bamẽrá. Mãɨpari Jesucristopa mãɨnepa ichi Ak'õrepa, ichi piu bada chok'ae p'irabaripidapa mɨ mãɨya bɨsidama.

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

1 Pedro 1:17

Mãrapa Tachi Ak'õrea pedeautade mãra Ak'õreane apatapɨra, k'awat'ɨ Ichia ẽpẽra waapẽarã k'aepẽra atepe k'ɨ̃riawẽanepa jõma ak'ɨipɨ, tachicha oodada k'orea. Mãɨpuru wapida nãɨ ĩjũane p'anɨmisa tua awaraɨdepemarã jĩra ewaricha ichi wap'ea p'anɨnepa jĩp'a nipat'ɨ.

Apocalipsi 4:11

Tachi Chipari, Tachi Ak'õre, pɨ pia bɨma jõmãɨrãpa minachia pia bɨade adamẽrá, pɨ wap'eadamẽrá mãɨnepa ãarea p'ue ooyade adamẽrá. Pɨa nejõma ooda pẽra pia bɨma jõmãɨrãpa mãɨya jaradaipɨ. Piarã pɨa k'ɨ̃riana pẽra nejõma oosima mãɨnepa nejõma pɨdepa bɨma.

Apocalipsi 5:12

Nãɨya jĩk'ua k'ari p'anasidama: «¡Chi Oveja Chak'e peadada minachia pia bɨma! Ãareaɨrãpa pia pedeadai p'anɨma ichit'a mãɨ ichia ãarea jõma p'ue bɨẽra, mãɨnepa ãarea uru bɨẽra, mãɨnepa ãarea k'awa bɨẽra mãɨnepa jua chaarea bɨẽra. Ichit'u chi atepe bɨade a jaradai p'anɨma mãɨnepa chi piipará bɨade a jaradai p'anɨma».