Mateo 5:30 - Tachi Ak'õre Pedea

³⁰ Ichiaba pɨ juaraaripemapa pɨá nemietá oopisira, mãɨ bɨat'ut'aak'ari amaase nemietá ooemaapa. Pɨ k'ak'uadepema abawẽa beerumina, ewaricha Tachi Ak'õre ome baipɨ. Mãɨya pia bɨma Tachi Ak'õrepa pɨ k'ak'ua jõma t'ɨpɨ tau uruadea bat'a peei k'aepẽra.

Mateo 5:30 ပူးပေါင်းရင်းမြစ်များ

Mateo 11:6

Chi mɨ itu bɨwẽa ĩjãa bɨt'a pia baipɨ.

Mateo 13:21

Maamina k'arra ɨ̃rɨa p'anɨẽra tãaraa choadak'ama. Nepɨrade baeutade mãɨyawẽpɨra Tachi Ak'õre pedea ĩjãa p'anɨ k'orea ẽpẽrarãpa mĩapiutade ãchia ĩjãa p'anana itu bɨpatama.

Mateo 16:23

Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.

Mateo 17:27

Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.

Mateo 18:8

»Mãɨ k'orea pɨ juapa wa pɨ jĩrupa pɨá nemietá oopiipɨra, mãɨ bɨat'uk'ari ãyá amaase, nemietá oopiemaapa. Piipará bɨma ewaricha bait'a Tachi Ak'õre ome, jua mosá wa bɨɨrɨ mosá, jua ume mãɨnepa jĩru ume uru bɨ ome, mãɨ t'ɨpɨ urua k'iik'amá eda bat'a peei k'aepẽra.

Mateo 22:13

Mãɨne chi minachia k'awa bɨpa ichi mimiapataɨrã́ jarasima: “Nãɨ ẽpẽra jua mãɨnepa jĩru bɨradak'ari tajatá p'ãrionea ateewãt'ɨ. Mãma jẽa p'anapatama mãɨnepa p'uapa k'ida k'ɨterrea p'anapatama”.

Mateo 25:20

Chi joesoma mil jitada chek'ari awara joesoma mil enemeek'ari jarasima: “Mɨ chipari, chi pɨa joesoma mil teadadepa mɨa awara joesoma mil enemeesima”.

Mateo 26:31

Mãɨne Jesupa ãchiá jarasima: —Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Mateo 5:29

»Mãɨpuru pɨ tau juaraaripemapa pɨá nemietá oopisira, mãɨ noet'aak'ari amaat'aase nemietá ooemaapa. Pɨ k'ak'uadepema abawẽa beerumina, ewaricha Tachi Ak'õre ome baipɨ. Mãɨya pia bɨma Tachi Ak'õrepa pɨ k'ak'ua jõma t'ɨpɨ tau uruadea bat'a peei k'aepẽra.

Marco 9:43

Pɨ juapa pɨá nemietá oopisira, mãɨ bɨat'ut'aase nemietá ooemaapa. Piipará bɨma jua mosá ewaricha Tachi Ak'õre ome bait'a, mãɨ tachi jua ume uru bɨ ome t'ɨpɨ tau urua nɨbɨ k'iik'amá wãi k'aepẽra.

Luca 12:5

Mɨa mãrá jararuma k'ait'a piarã wap'eadai p'anɨma. Mãrapa wap'eadai p'anɨma nãɨ k'ak'ua peak'ari p'ue tachi jaore t'ɨpɨ tau uruadea peei bɨt'a. Mɨa piarã jararuma ichit'a wap'eadai pia bɨma.

Luca 17:2

Abaɨpa chi ãpia k'ede nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma jɨ̃nak'ari p'usade edá t'aa peedait'a.

Romano 9:33

Tachi Ak'õre pedeade mãɨnepema nãɨya bɨ bɨma: «Ũrit'ɨ. Mɨa Sión p'uurude mawara bɨruma. Mãɨ mawaramá ẽpẽrarã t'enabaridak'ari baedaipɨ. Maamina chi ichide ĩjãa bɨpa pari ĩjãa baiwẽma».

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

Gálata 5:11

Ũpẽarã, k'ak'ua tauchaadai p'anɨt'a mɨa wapida jaratea bɨpara, chi mãɨya jaratea berãpa mɨ piawẽa oodai k'orea ẽp'ẽnaiwẽ pasima. Mɨa mãɨya jaratea bɨpara ãchia Jesú k'urusude piudadepema piawẽa k'ɨ̃risiadaiwẽ pasima.

1 Pedro 2:8

Mãɨnepa nãɨya bɨ bɨma: «Mãɨ mawaramá ẽpẽrarã t'enabaridak'ari baedaipɨ». Ãchia Tachi Ak'õre pedea ĩjãanawẽa p'anɨ pẽra mawaramá t'enabariuta jĩra p'anɨma. Tachi Ak'õrepa ãchi bɨsima mãɨya p'ananamẽrá.