Mateo 5:18 - Tachi Ak'õre Pedea

¹⁸ Mɨa piarã jararuma: pajã mãɨnepa nãɨ ĩjũa bɨmisa mãɨ Moisepa bɨdadepema letra aba mi ãpia pida jõiwẽma, aba mãɨne jara bɨ ãarea baerudea.

Mateo 5:18 ပူးပေါင်းရင်းမြစ်များ

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 10:42

Mɨa jararuma: abaɨ pida chi mɨ ome p'ɨrrɨapataɨrã chi k'ɨ̃risia ãpia k'ɨrɨa pania k'õresã́ teaipɨra, Tachi Ak'õrepa piarã mãɨ ẽpẽrá nepia teaipɨ».

Mateo 11:11

»Mɨa piarã jararuma: nãɨ ĩjũane Juan chi Porochoaparí k'aepẽra ẽpẽra aba pida atepe newẽma. Maamina Pajãne Bɨpa ichidirã ichi juade ua bɨdepema chi wariwẽa k'ɨrɨt'a ichi k'aepẽra chi atepe k'awa baima.

Mateo 13:17

Mɨa piarã jararuma: Tachi Ak'õre pari pedeapataɨrã minachia p'anɨrãpa, ẽpẽerã jĩp'a be ome unu k'ɨ̃ria p'anasidama mãrapa unu p'anɨt'a. Maamina ununaé pasima. Ichiaba mãrapa ũri p'anɨt'a ũri k'ɨ̃ria p'anasidamina ũrinaé pasima.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 18:18

»Mɨa piarã jararuma: Chi mãrapa nãɨ ĩjũane ne itu bɨpidaepɨra Tachi Ak'õre pajãne bɨ pida mãɨya ne itu bɨpiiwẽma. Ichiaba chi mãrapa nãɨ ĩjũane ne itu bɨpidaipɨra Tachi Ak'õre pajãne bɨ pida mãɨya ne itu bɨpiipɨ.

Mateo 18:3

Nãɨya jarasima: —Mɨa piarã jararuma: mãrapa awara k'ɨ̃risiadaepɨra mãɨnepa nãɨ warra chae jĩra p'ananaepɨra, Tachi Ak'õre Pajãne Bɨpa ichidirã ichi juade ua bɨde p'ananaiwẽma.

Mateo 19:23

Mãɨne Jesupa ichi ome p'ɨrrɨapataɨrã́ jarasima: —Piarã chi t'aju bɨma ẽpẽra ɨbɨa bɨ, Pajãne Bɨ juade bai k'orea ichidirã paara.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Mateo 21:21

Jesupa p'anoosima: —Mɨa piarã jararuma: piarã Tachi Ak'õrepa mãrapa idi p'anɨ p'ue ooyade a k'ɨ̃risia p'anɨpɨra, mãɨnepa ichia p'ue ooiwẽane a p'anɨwẽpɨra, mɨa jãɨ higojõ bɨɨrɨ ooda k'aepẽra mãrapa atepe oodaipɨ. Mãrapa cha bɨ eyá ãyá wãpade adaipɨra mãɨnepa p'usadea eda baewãpade adaipɨra, ara mãɨya baewãipɨ.

Mateo 21:31

Mãɨ mãramá ¿chi sãɨ warrapa chi ak'õrepa k'ɨ̃ria bada oosima? Ãchia p'anoosidama: —Chi naapemapa. Mãɨne Jesupa ãchiá jarasima: —Ãjã. Maamina piarã mɨa jararuma: Romanepema pae erreara jɨrɨp'epataɨrã mãɨnepa wẽra k'achia berã mãra k'aepẽra Tachi Ak'õre ichidirã ichi juade ua baparidea wãnaipɨ.

Mateo 23:36

Mɨa piarã jararuma: jõma mãɨ ẽpẽrarã peadada k'orea Tachi Ak'õrepa idiapaepema ẽpẽrarã ɨtɨaipɨ.

Mateo 24:2

Mãɨne Jesupa ãchiá jarasima: —Ãjã, mãrapa unu p'anɨ pia k'edema. Maamina piarã mɨa jararuma: nãɨ mawara p'ãnana pada ãarea ãriipɨ.

Mateo 24:47

Mɨa piarã jararuma: chi chiparipa ãarea ichia uru bɨt'a mãɨ ichi pae pari mimiaparí juade bɨipɨ.

Mateo 25:12

Maamina chi miak'ãi bɨ ɨmɨk'ĩrapa jarasima: “Mɨa piarã jararuma: mɨa mãra atuama”.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 25:45

»Mãɨne mɨa p'anooipɨ: “Mɨa piarã jararuma: mãrapa chi k'aepe k'ede k'aripadaé paside mɨ sida k'aripadaé pasima”.

Mateo 5:26

Mɨa piarã jararuma: pɨ jãmapema wãiwẽma aba pɨa teai bɨ erreara ãarea p'aarudea.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 8:10

Mãɨ ũriside Jesupa pia k'ɨ̃risiasima. Mãɨne ichi k'aade wã p'anɨrã́ jarasima: —Piarã mãrá jararuma: nãɨ ẽpẽrapa minachia ĩjãa bɨ jĩra israel ĩjũanepemarã t'ãena aba pida unuk'ama.

Marco 10:15

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.

Marco 10:29

Jesupa jarasima: —Mɨa piarã jararuma: mɨ k'orea mãɨnepa chi pedea pia k'orea abaɨpa ichi te, ũpẽarã, ũpẽawẽrarã, nae, ak'õre, warrarã mãɨnepa ĩjũa ameeipɨra,

Marco 11:23

Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma.

Marco 12:43

Jesupa ichi ome p'ɨrrɨapataɨrã́ t'ɨ̃k'ari jarasima: —Mɨa piarã mãrá jararuma: jãɨ p'ẽtã́ chupuria k'ɨrɨpa atepe teasima ãareaɨrãpa teadada k'aepẽra.

Marco 13:30

Mɨa mãrá piarã jararuma: nãɨ ewaridepema ẽpẽerã piudai naena mãɨ ãarea mãɨyaipɨ.

Marco 14:18

Mãɨ suak'a p'aneenak'ari nek'omaa p'anɨne Jesupa jarasima: —Mɨa piarã jararuma: aba mɨ ome nek'omaa bɨpa mɨ jitapiipɨ.

Marco 14:25

Mɨa piarã jararuma: mɨa uvaba waa toiwẽma aba Tachi Ak'õrepa jõma ichidirã ichi juade ua beerudea. Mãɨyapuru mɨa uvaba mãicha toipɨ.

Marco 14:30

Jesupa Pedroa jarasima: —Mɨa piarã jararuma: idi, ara nãɨ teamasi, et'erre bari k'ak'o ume pirui naena pɨa bari k'ak'o ũpea mɨ unuk'aade aipɨ.

Marco 14:9

Mɨa piarã jararuma: jõma nãɨ ĩjũane chi pedea pia mɨ k'orea jarautamá nãɨ wẽrapa ooda nepɨrɨdaipɨ ichi k'ɨ̃risiadamẽrá.

Marco 3:28

»Piarã ara mɨa mãrá jararuma: ẽpẽerãpa nemietá oopataɨ mãɨnepa k'achia pedeapataɨ Tachi Ak'õrepa mãɨ ãarea abarik'a k'ɨ̃risia atuaipɨ.

Marco 6:11

Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Marco 8:12

Jesú ɨbɨa ɨ̃apaak'ari jarasima: —Mãra idiapaepemarã ẽpẽerãpa ¿k'ãre k'orea ẽpẽerãpa ne p'ue oodak'apɨ́ unu k'ɨ̃ria p'anɨma, mɨ Tachi Ak'õrenepa cherut'a k'awadayá? Mɨa piarã jararuma: mɨa ẽpẽerãpa ne p'ue oodak'apɨ́ ooiwẽma.

Marco 9:1

Mãɨnepa Jesupa jarasima: —Mɨa piarã jararuma: chi eda waapẽarã nãma p'anɨ piudai naena ununaipɨ Tachi Ak'õrepa ichidirã ichi juade ua bait'a, ichi jua chaareadepa.

Marco 9:41

Mɨa piarã jararuma: mãra mõré pẽra abaɨpa mãrá pania teaipɨra, Tachi Ak'õrepa piarã mãɨ ẽpẽrá nepia teaipɨ.

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Luca 13:35

Mãɨpuru Tachi Ak'õre waa mãra ome baiwẽma. Mɨa jara bɨma: mãrapa mɨ waa ununaiwẽma aba mɨá pia pedeautamá. Mãɨ ewaride nãɨya jaradaipɨ: “¡Minachia pia bɨma chi Tachi Chipari t'ɨ̃ne cherut'a!”

Luca 16:17

Maamina pajã mãɨnepa nãɨ ĩjũa jõi t'ajuwẽa bɨma Moisepa bɨda jõi k'aepẽra.

Luca 18:17

Mɨa piarã jararuma: warra chak'e ichi ak'õre k'aade wãpari jĩra abaɨ pida Tachi Ak'õre k'aade wãepɨra, mãɨ ẽpẽra Tachi Ak'õre juade baiwẽma ichidirã paara.

Luca 18:29

Jesupa ãchiá jarasima: —Mɨa piarã jararuma: abaɨ sida Tachi Ak'õre juade bai k'orea ichidirã paara, ichi te, ak'õre, nae, ũpẽarã, k'ima, warrarã sida ameeipɨra, ichia ameena k'aepẽra nãɨ ewaride ne minachia atepe uru baipɨ. Ichiaba chi k'aadeapema ewaride Tachi Ak'õre ome ewaricha chok'ae baipɨ.

Luca 23:43

Mãɨ k'orea Jesupa ichiá jarasima: —Mɨa piarã jararuma: pɨ naane mɨ ome pajãne baipɨ.

Luca 4:24

Mãɨ awara jarasima: —Mɨa mãrá piarã jararuma: abaɨ pida Tachi Ak'õre pari pedeaparia ara ichi tuade pia pedeadak'ama.

Juan 1:51

Maapae Jesupa jarasima: —Mɨa piarã jararuma: mãrapa pajã ewa nɨbɨt'a ununaipɨ. Mãɨnepa ununaipɨ Tachi Ak'õrepa ɨt'aripa peedaɨrã mɨ, chi Ẽpẽra Warra bɨmá chedak'ari ya ɨt'aa wãutat'a.

Juan 10:1

Mãɨ ewaride Jesupa jarasima: «Mɨa piarã jararuma: chi abaɨ oveja k'ãipataɨ ɨari eda wãepɨra, mãɨpari awaraɨ ɨari eda wãsira, mãɨ ẽpẽra mẽapemarã jĩra bɨpɨ mãɨnepa nechɨaparipɨ.

Juan 10:7

Mãɨpuru Jesupa nãɨya jarasima: «Mɨa piarã jararuma, chi oveja eda wãpataɨ mɨpɨ.

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Juan 13:16

Mɨa piarã jararuma: abaɨ pida chi chipari pae pari mimiaparí ichi chipari k'aepẽra atepe bɨwẽma. Chi peeda ichi peeda k'aepẽra atepe bɨwẽma. (Chi chipari pae pari mimiaparipa oopari jĩra mɨa ooda pẽra, mãra pida abarik'a mãɨya oodai p'anɨma).

Juan 13:38

Mãɨne Jesupa jarasima: —¿Pɨ mɨ k'orea piarã piui bɨk'ãra? Mɨa piarã jararuma: et'erre pirui naena bari k'ak'o ũpea mɨ unuk'aade aipɨ.

Juan 14:12

Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra.

Juan 16:20

Mɨa piarã jararuma: nãɨ ĩjũanepemarã arapá p'anɨmisa, mãra sõp'uapa jẽanaipɨ. Mãra sõk'achia p'ananaipɨ, maamina mãɨ jõk'ari arapaadaipɨ.

Juan 16:23

Mãɨ ewaride mãrapa mi ãpia pida mɨá waa ne ididaiwẽma. Mɨa piarã jararuma: mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 21:18

Piarã jararuma: k'ũtã́ basieda pɨ tuaba neet'á jɨ̃pachima pɨ wã k'ɨ̃riarumá wãi k'orea. Maamina pɨ chõa beek'ari waapẽarãpa pɨ jua jiradaipɨ neet'á jɨ̃pidai k'orea. Maapae ateewãipɨ pɨ wã k'ɨ̃riawẽa bɨmá.

Juan 3:11

Piarã ara mɨa pɨá jararuma: taipa k'awa p'anɨnepa mãɨnepa unu p'anɨnepa pedea p'anɨma maamina taipa pedea p'anɨt'a mãrapa ĩjãanak'ama.

Juan 3:3

Jesupa ichiá jarasima: —Piarã ara mɨa pɨá jararuma: ẽpẽra mãicha chiwidi t'õepɨra p'ue baiwẽma Tachi Ak'õre juade ichidirã ome.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 6:26

Jesupa p'anoosima: —Mɨa piarã jararuma: mãrapa k'awadawẽa p'anɨma chi mɨa ẽpẽerãpa ne p'ue oodak'apɨ́ oodapa ne jara k'ɨ̃ria bɨt'a. Aba mɨ jɨrɨ p'anɨma mɨa nek'opik'ari jãwaanana pẽra.

Juan 6:32

Mãɨne Jesupa p'anoosima: —Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma.

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Juan 6:53

Mãɨne Jesupa jarasima: —Mɨa piarã jararuma: mãrapa mɨ chi Ẽpẽra Warra k'ak'ua k'odaepɨra mãɨnepa mɨ oa todaepɨra, ewaricha chok'ae p'ananaiwẽma.

Juan 8:34

Jesupa p'anoosima: —Mɨa piarã jararuma: nemietá oopataɨrã mãɨ nemietá pae pari mimiapataɨrãpɨ.

Juan 8:51

Mɨa piarã jararuma, chi mɨ pedea ĩjãak'ari oo bɨt'a mãɨ piuk'á paipɨ.

Juan 8:58

Jesupa p'anoosima: —Mɨa piarã jararuma: Abrahán bai naena Mɨpɨ.

1 Pedro 1:25

Maamina Tachi Chipari pedea jõk'ama». Mãɨ jõk'apɨ́ pedea pia Cristodepemapɨ. Mãɨt'a tachi ũpẽarãpa mãrá jarasidama.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.