Mateo 4:4 - Tachi Ak'õre Pedea

⁴ Maamina Jesupa p'anoosima: —Tachi Ak'õre pedeade nãɨya bɨ bɨma: abapuru nek'o bɨdepa ẽpẽra chok'ae baiwẽma, mãɨpari jõma Tachi Ak'õrepa jara bɨ ĩjãa bɨdepa chok'ae baipɨ.

Mateo 4:4 ပူးပေါင်းရင်းမြစ်များ

Mateo 15:11

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 4:7

Mãɨne Jesupa tiorea jarasima: —Tachi Ak'õre pedeade ichiaba bɨ bɨma: “Pɨ Chipari Tachi Ak'õrea waa mĩesa jararãse nemietá oomẽrá”.

Marco 7:20

Maapae jarasima: —Chi ẽpẽra sõnepa k'ɨ̃risia che bɨpa mãɨ ẽpẽra mietá beepiparima Tachi Ak'õre k'ĩrari.

Luca 4:12

Maamina Jesupa jarasima: —Ichi pedeade nãɨ sida bɨ bɨma: “Pɨ Chipari Tachi Ak'õrea waa mĩesa jararãse nemietá oomẽrá”.

Luca 4:4

Jesupa p'anoosima: —Tachi Ak'õre pedeade nãɨya bɨ bɨma: abapuru nek'o bɨdepa ẽpẽra chok'ae baiwẽma, [mãɨpari jõma Tachi Ak'õrepa jara bɨ ĩjãa bɨdepa chok'ae baipɨ].

Luca 4:8

Maamina Jesupa jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Romano 15:4

Nejõma Tachi Ak'õre pedeade bɨda tachiá jarateai k'orea bɨma. Tachi sõpiapiparima mãɨnepa k'aripaparima jõma choadamẽrá. Mãɨya tachia piarã k'awa p'anɨma Tachi Ak'õre ome ewaricha pia p'ananait'a.

Ep'esio 6:17

Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.