Mateo 4:17 - Tachi Ak'õre Pedea

¹⁷ Mãɨ ewaridepa naa Jesupa nãɨya jara nipasima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 4:17 ပူးပေါင်းရင်းမြစ်များ

Mateo 10:7

Mãra wãutamá jarat'ɨ: “Tãaraawẽa bɨde Pajãne Bɨpa ichidirã ichi juade ua baipɨ”.

Mateo 11:12

Juan chi Porochoaparipa jaratea beesiedapema waa idi Pajãne Bɨpa ichidirã ichi juade ua bɨdepemarã atepe mĩa p'anɨma. Ẽpẽra k'achiarãpa ãchi k'achia oo k'ɨ̃ria p'anɨma.

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 13:24

Maapae Jesupa mãicha nepɨrɨsima ne jarateai k'orea: «Pajãne Bɨpa ichidirã ichi juade ua bɨt'a nãɨ jĩra bɨma. Ẽpẽra basima. Mãɨ ẽpẽrapa ichi ĩjũane trigo tau pia uusima.

Mateo 13:47

»Pajãne Bɨpa ichidirã ichi juade ua bɨt'a t'ɨri jĩra bɨma. T'ɨri bat'adak'ari, beta wawaria peapatama.

Mateo 13:9

Chi k'ɨɨrɨ pará bɨpa jĩrak'aua ũrise».

Mateo 25:1

»Pajãne Bɨpa ichidirã ichi juade ua bɨt'a nãɨ jĩra baipɨ: ãwẽrarã diez p'anasidama. Ãchicha ĩpira atadak'ari, k'ĩramá nɨne wãsidama chi ɨmɨk'ĩra miak'ãii bɨ ome ununai k'orea.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 6:10

Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. K'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.

Mateo 9:13

Nãɨ pedea k'ãre jara bɨ k'awayá wãt'ɨ: “Ãnimara peadak'ari, mɨ pae paateadai k'aepẽra mɨa k'ɨ̃ria bɨma mãrapa waapẽarã k'ĩra chupuria p'ananait'a”. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Luca 15:7

»Ara mãɨ jĩra mɨa mãrá jararuma: 99 jĩp'a be k'orea pajãnepemarã sõ arapaapatamina, atepe sõ arapaapatama ẽpẽra aba nemietá ooparí Tachi Ak'õremá cherude.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Luca 3:23

Jesupa jaratea beeside treinta ãyo bɨ jĩra basima. Ẽpẽrarãmá ichi José warra pasima. José Eli warra pasima.

Luca 5:32

Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Luca 9:2

Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.

Hecho 11:18

Jerusalenepema ũpẽarãpa mãɨ ũrisidaɨde waa k'achia pedeadaé pasima, mãɨpari Tachi Ak'õrea nãɨya pia pedeasidama: —¡Piarã Tachi Ak'õrepa judiorãwẽ sida k'aripasima ãchi nemietá oodada itu bɨdak'ari ichimá chedamẽrá! ¡Mãɨya ewaricha ichi ome chok'ae p'ananaipɨ!

Hecho 17:30

Ẽpẽerãpa chi Tachi Ak'õre atua p'ananapa naena mãɨya oodada ichia itu bɨsima. Maamina idiapae jara bɨma ãarea tuachadepemarãpa nemietá itu bɨdak'ari ichide ĩjãanamẽrá.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Hebreo 6:1

Mãɨpuru naa wãtɨma Cristo k'orea pia k'awadayá. Tachia chi ichi k'orea naa k'awadaadat'a mãicha waa minachia jarateadaiwẽma, mãɨpari nãɨ k'orea jarateadai p'anɨma: nemietá oo p'anɨ k'orea piudai p'anɨt'a, nemietá itu bɨdak'ari Tachi Ak'õremá chedai p'anɨt'a, Tachi Ak'õrene ĩjãanai k'orea,