Mateo 3:17 - Tachi Ak'õre Pedea

¹⁷ Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 3:17 ပူးပေါင်းရင်းမြစ်များ

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

2 Pedro 1:17

Tachi Pajãnepema Ak'õrepa ichi k'orea pia jaraside mãɨnepa chi atepe unupiside tai mãma p'anasidama. Mãɨne Tachi Ak'õre chi atepe minachia k'ĩrawãrea bɨpa nãɨya jarasima: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma».

Luca 9:35

Ara mãɨne pedea jɨ̃arane ũrisidama. Mãɨpa nãɨya jarasima: «Nãɨt'a mɨ Warrapɨ. Mɨa ichi jɨrɨ atasima. Ichia jara bɨt'a ũrit'ɨ».

Mateo 12:18

Nãɨya jarasima: Nãɨ mɨa jɨrɨ atada chi mɨ pae pari mimiaparipɨ. Mɨa ichi k'ɨ̃ria bɨma. Ichi k'orea mɨ piarã sõpia bɨma. Mɨ Jaore ichiá teaipɨ. Ichia p'uuru becha mɨa jĩp'a ook'oa bɨ k'orea jaraipɨ.

Marco 9:7

Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Marco 1:11

Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ sõ arapá bɨma».

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

Ep'esio 1:6

Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma.

Juan 5:37

Piarã mɨ Ak'õre, chi mɨ Peedapa mɨ k'orea pedea bɨma. Maamina mãrapa ichi pedea ũrinak'ama mãɨnepa ichi ununak'ama.

Apocalipsi 14:2

Mãɨne pajãne to pedea jĩra pũa ũrisima, mãɨnepa pa pedea jĩra. Chi mɨa ũri bada arpa chaauta jĩra auk'ará basima.

Juan 5:20

Mɨ Ak'õrepa mɨ k'ɨ̃ria bɨma. Mãɨpuru ãarea ichia oo bɨt'a mɨá unupiparima. Mãɨ awara ichia nãɨ ẽpẽerãpa ne p'ue oodak'apɨ́ ooda k'aepẽra ne waibɨa bet'a unupiipɨ. Mãɨ k'orea mãra ak'ɨɨtua nɨbeeipɨ.

1 Juan 5:9

Ẽpẽrapa ununa piarãane aipɨra tachia ĩjãapatama. Maamina Tachi Ak'õrepa jara bɨt'a atepe ĩjãanai p'anɨma, ichi Warra k'orea piarã jara bɨ pẽra.