Mateo 27:2 - Tachi Ak'õre Pedea

² Maapae jɨ̃nak'ari, ichi Romanepema ẽpẽra Poncio Pilato apataɨmá ateewãsidama. Mãɨ Pilato Judea tuadepema chi poro chaarea bɨ pasima.

Mateo 27:2 ပူးပေါင်းရင်းမြစ်များ

Mateo 20:19

Maapae mɨ judiorãwẽa teadaipɨ. Mãɨrãpa mɨ oo uru p'ananak'ari, soapa p'edak'ari maapae k'urusude peadaipɨ. Maamina ewari ũpeaɨde chok'ae p'irabariipɨ”.

Mateo 28:14

Pilatopa mãra k'ãinana ũriipɨra, tai ichi ome mãra k'orea pedeadaipɨ nepɨrade baepidaemaapa».

Luca 13:1

Mãɨya p'anɨne ẽpẽrarãpa Jesua jarasidama waapẽarã Galileadepemarãpa ãnimara Tachi Ak'õrea paatea p'anɨne Pilatopa ãchi k'enapisit'a.

Luca 20:20

Maapae p'aarerã chi mãɨrã chaarearãpa ẽpẽra jĩp'a be jĩra peesidama Jesú pia ak'ɨdamẽrá. Mãɨrãpa Jesú piawẽa pedearu ũrisidara ara mãɨ jitadak'ari ãchi tuadepema poro chaarea juade teadai k'ɨ̃risia p'anasidama.

Luca 23:1

Ara mãɨne jõma chi ará judiorã minachia k'awa p'anɨrã p'irabaridak'ari Jesú Pilatomá ateewãsidama.

Luca 23:12

Mãɨ ewaridepa Pilato Herode ome chi nek'ĩramá pada ichi k'õp'ãero p'aneesidama.

Luca 3:1

Tiberio chi Romanepema atepe poro chaarea bɨ quince ãyo pa bɨde, Poncio Pilato Judea tuade chi minachia k'awa bɨ pasima. Herode Galilea tuade chi minachia k'awa bɨ pasima. Chi ũpẽa P'elipe Traconite tuade mãɨnepa Iturea tuade chi minachia k'awa bɨ pasima. Lisania Abilene tuade chi minachia k'awa bɨ pasima.

Juan 18:12

Maapae romanepema papaká bepa, ara ãchi poro chaarea bɨpa mãɨnepa chi Tachi Ak'õre te ot'eapataɨrãpa Jesú jitadak'ari jua bɨrasidama.

Juan 18:24

Maapae Anaspa Jesú jua bɨra bɨt'a Caip'amá peesima, ichi p'aare minachia k'awa bɨ pẽra.

Juan 18:28

Maapae tap'ededa Jesú Caip'á tedepa romanepema chi poro chaarea bɨ chi te minachia bɨdea ateewãsidama. Chi Jesú ateewãnana judiorã mãɨ te Pretorio apataɨde eda wãnaé pasima ãchi eda wãsidara Tachi Ak'õre k'ĩrari piawẽa p'aneenai pẽra. Ichi k'ĩrari pia p'anana k'ɨ̃ria p'anasidama Egitodepa wãnana k'ɨ̃risiapataɨ ewari chik'o k'odai k'orea.

Hecho 12:6

Herodepa Pedro nepɨra ak'ɨi naena, ara mãɨ teamasi papaká berã ume p'anɨ mãɨ esa k'ãi basima. K'ãnena ume bɨpa jɨ̃ basima. Chi jɨ̃a nɨbɨpataɨ tede eda wãpataɨmá chi eda waapẽarã papaká berãpa ot'ea p'anasidama.

Hecho 21:33

Chi papaká berã chi atepe poro chaarea bɨ ará cheside Pablo jitak'ari k'ãnena umeepa jɨ̃pisima. Maapae ẽpẽerã minachia cheepɨradadá idisima Pablo k'ait'a, mãɨnepa k'ãre oosit'a k'awai k'orea.

Hecho 22:25

Maamina ichi p'edai k'orea jɨ̃utade Pablopa chi papaká berã chi mãɨrã chaarea arí bɨa jarasima: —¿Mãrapa romanepemarã aba p'ue p'edai p'anɨk'ãra ichi nepɨra ak'ɨdai naena?

Hecho 22:29

Ara mãɨne chi Pabloa ne ididai k'orea p'ananapa itu bɨsidama. Chi papaká berãpa chi atepe chaarea bɨpa Pablo romanepema k'awaside minachia ne wap'easima ichi k'ãnenapa jɨ̃pida pẽra.

Hecho 24:27

Ãyo ume padak'ari P'eli chi poro chaarea bada itu bɨk'ari, maapae Porcio P'esto chi poro chaarea beesima. Maamina P'eli wãside judiorã ome pia bee k'ɨ̃ria basima. Mãɨpuru Pablo eda jɨ̃a nɨbeesima.

Hecho 28:20

Mãɨpuru mɨa mãra unu k'ɨ̃ria basima mãra ome pedeai k'orea. Tachi Ak'õrepa Tachi K'aripaparí teai jarada ãarea israel ĩjũanepemarãpa nɨ p'anɨma. Ichi k'orea mɨ nãɨya k'ãnenapa jɨ̃ bɨma.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Hecho 4:27

Ara mãɨ jĩra nãɨ p'uurude Herode, Poncio Pilato, judiorãwẽ mãɨnepa Israeldepemarãpa pedea ausidama chi pɨ pae pari mimiaparí jĩp'a bɨ Jesú peadai k'orea. Pɨa mãɨ Tachi Chipari bɨdamina,

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

Hebreo 13:3

K'ɨ̃risia atuarãt'ɨ chi jɨ̃a nɨbɨpataɨ tede nɨbet'a, mãra sida ãchi ome eda serra p'anɨ jĩra. Chi ẽpẽrarãpa piawẽa oo p'anɨnepa minachia mĩa be k'ɨ̃risia atuarãt'ɨ mãra sida ãchi ome minachia mĩa p'anɨ jĩra.