Mateo 27:16 - Tachi Ak'õre Pedea

¹⁶ Mãɨ ewaride romanepemarãpa aba eda uru jɨ̃a nɨbɨ uru p'anasidama, Barrabá apataɨ. Ẽpẽrarã chok'araɨrãpa mãɨ Barrabá t'ɨ̃ ũri p'anapachidama.

Mateo 27:16 ပူးပေါင်းရင်းမြစ်များ

Mateo 27:15

Ãyocha judiorãpa mãɨ arapaapataɨ ewari oo p'anɨne, Pilatopa ẽpẽra aba eda jɨ̃a nɨbɨ ewa peepachima, mãɨ chi p'uurudepema ẽpẽerãpa idiutat'a.

Mateo 27:17

Pilatopa k'awa basima ãchia Jesú jitapi p'anana ichi unuemaa uru p'anananeepuru. Mãɨpuru chi ẽpẽrarã minachia cheepɨrɨ nɨbɨa idisima: —¿K'ai mãrapa k'ɨ̃ria p'anɨma mɨa k'ẽet'aamẽrá: Barrabá wa Jesú, mãɨ Tachi Ak'õrepa Tachi K'aripaparí teai jaradamanaɨt'a?

Marco 15:7

Mãɨne ẽpẽra aba Barrabá apataɨ basima. Mãɨ Barrabá chi ichidirã paara mãɨ k'ĩruupik'asidaɨde mĩa pea p'anasidama. Mãɨ k'orea eda jɨ̃a nɨbɨsidama chi ẽpẽerã ichidirã paara.

Luca 23:25

Barrabapa p'uurudepemarã k'ĩruupik'adamina mãɨnepa mĩa peadamina Pilatopa ichi chi jɨ̃a nɨbɨpataɨ tedepema k'ẽet'aasima ẽpẽrarã puru ididada pẽra. Maapae ãchia k'ɨ̃ria p'anɨ jĩra Jesú oopisima.

Juan 18:40

Mãɨne ãchia biadak'ari p'anoosidama: —Jãɨwẽma. ¡Barrabat'u k'ẽet'aase! Mãɨ Barrabá nechɨaparí mietá pasima.

Hecho 3:14

Mãrapa Tachi Ak'õre Pae pari mimiaparí Jĩp'a Bɨt'a k'aripadawẽa itu bɨdak'ari idi p'anasidama Pilatopa mĩa peaparí Barrabat'u ãjã́ pari bɨmẽrá.

Romano 1:32

Ãchia minachia k'awa p'anɨma Tachi Ak'õrepa chi mãɨya oo berã minachia ɨtɨait'a. Maamina ara mãɨya oo nipapatama mãɨnepa waapẽarãpa abarik'a nemietá ooutade mãɨ pia bɨade a k'ɨ̃risiapatama.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.