Mateo 22:9 - Tachi Ak'õre Pedea

⁹ Mãɨ k'orea waapẽarã ẽpẽrarã o becha jɨrɨde wãpadade asima. Mãrapa unuutarã́ jarapadade asima mɨ warra miak'ãipataɨ arapaapataɨ tedea chedamẽrá”.

Mateo 22:9 ပူးပေါင်းရင်းမြစ်များ

Mateo 20:7

Ãchia p'anoosidama: “Abaɨ pida taiyá mimiat'a teadawẽma”. Mãɨne ichia jarasima: “Mãra sida mɨ uva k'ãena mimiane wãt'ɨ. Mãɨpari mɨa erreara ara machia mimiauta jĩra teaipɨ”.

Mateo 22:10

Ara mãɨne ichi mimiapataɨrã o becha wãsidama. Ẽpẽrarã chok'ará enemeesidama; ẽpẽrarã pia berã mãɨnepa mietá berã. Mãɨya ẽpẽrarã minachia ará nɨbeesima miak'ãipataɨ tede.

Mateo 22:8

»Mãɨya bak'ari chi minachia k'awa bɨpa ichi mimiapataɨrã́ jarasima: “Mɨ warra miak'ãipataɨ arapaapataɨ ewari oodaipɨ, maamina mɨa mãɨ t'ɨ̃ peedarã ẽpẽrarã nãma p'ananai pia bɨwẽma.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Hecho 13:47

Taipa mãɨya oodamẽrá Tachi Chiparipa nãɨya jarasima: “Mɨa pɨ ɨnaa jĩra bɨsima judiorãwẽpa mɨ k'orea k'awadamẽrá. Pɨa ãarea nãɨ ĩjũane berã́ k'awapiipɨ chi mɨa ẽpẽerã k'aripait'a”».

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.