Mateo 22:5 - Tachi Ak'õre Pedea

⁵ Maamina mãɨ ẽpẽrarãpa ũrinaé pasima ichia jara peeda. Abaɨpa ichi ĩjũa ak'ɨde wãsima. Abaɨ ichi ne netopataɨmá wãsima.

Mateo 22:5 ပူးပေါင်းရင်းမြစ်များ

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Mateo 22:4

»Maapae mãicha ichi pae mimiapataɨrã jara peek'ari, mãɨya jarasima: “Jarade wãpadade asima, mɨa t'ɨ̃ peedarã ẽpẽrarã chedamẽrá chik'o chuu nɨbɨẽra. Peapisima p'ak'a mãɨnepa ãnimara awara porek'ea berã. Mãɨ ãarea chuu nɨbɨẽra, chepadade asima miak'ãipataɨ arapaapataɨ tedea”.

Mateo 22:6

Waapẽarãpa chi minachia k'awa bɨ mimiapataɨrã jitadak'ari jok'aedak'ari peasidama.

Juan 2:16

maapae chi p'aloma netopataɨrã́ mãɨya jarasima: —Nãɨ ãarea ãyá ateewãt'ɨ. Mɨ Ak'õre te ne netopataɨ te papirãt'ɨ.

Hecho 2:13

Mãɨne chi eda waapẽarãpa oo uru p'anɨpa jarasidama: —Ãchi it'uapa piu p'anɨma.

Hecho 24:25

Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 8:6

Chi abaɨpa nãɨ k'ak'uapa oo k'ɨ̃ria bɨt'a k'ɨ̃risia baipɨra piuipɨ. Maamina chi Tachi Ak'õre Jaorepa k'ɨ̃ria bɨt'a k'ɨ̃risia baipɨra ne k'ɨ̃risiawẽa baipɨ mãɨnepa Tachi Ak'õre ome chok'ae baipɨ.

2 Timoteo 3:4

Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra.

Hebreo 2:3

Ara mãɨ jĩra chi Tachi Ak'õrepa tachi minachia k'aripaidepema tachia itu bɨdaipɨra, ¿Ichia ɨtɨaidepema sãmaasã́ tachi mĩrunaima? Mãɨ pedea Tachi Chipari Jesupa naa jarateasima. Chi ũrinaanapa tachiá mãɨ piarãane asidama.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.