Mateo 22:3 - Tachi Ak'õre Pedea

³ Chi ichi pae pari mimiapataɨrã peesima ichia ẽpẽrarã t'ɨ̃ pee bada atade wãnamẽrá. Maamina chedai k'ɨ̃rianaé pasima.

Mateo 22:3 ပူးပေါင်းရင်းမြစ်များ

Mateo 21:34

Maapae uva baapataɨ ewari ará pak'ari, chi chiparipa ichi pae mimiapataɨrã peesima chi uva k'ãenane mimiapataɨrãpa mãɨ chi ichipaepema tea peedamẽrá.

Mateo 23:37

»¡Jerusalén, Jerusalén, mãrapa Tachi Ak'õre pari pedeapataɨrã peapatama! ¡Tachi Ak'õrepa peedarã sida mawarapa bat'a peapatama! Mɨa bari k'ak'o minachia mãra ará jerep'e k'ɨ̃ria basima et'erre wẽrapa ichi warrarã ĩk'arra ek'ari jerep'epari jĩra. Maamina mãrapa k'ɨ̃rianaé pasima.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

Luca 13:34

»¡Jerusalén, Jerusalén, mãrapa Tachi Ak'õre pari pedeapataɨrã peapatama! ¡Tachi Ak'õrepa peedarã sida mawarapa bat'a peapatama! Mɨa bari k'ak'o minachia mãra ará jerep'e k'ɨ̃ria basima et'erre wẽrapa ichi warrarã ĩk'arra ek'ari jerep'epari jĩra. Maamina mãrapa k'ɨ̃rianaé pasima.

Luca 15:28

»Mãɨ ũriside k'ĩruuk'ari chi tede eda wã k'ɨ̃riaé pasima. Mãɨya bɨde chi ak'õre ichimá wãk'ari chichupuria idisima eda wãmẽrá.

Luca 19:27

“Mãɨ awara mɨ ãchi minachia k'awa bɨ pai k'ɨ̃riawẽa p'anana jitadak'ari mɨ k'ĩrari k'enat'ɨ”».

Juan 5:40

Maamina mãra mɨmá chedai k'ɨ̃rianak'ama, mɨa mãra chok'ae p'anapimẽrá.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Romano 10:21

Maamina israel ĩjũanepemarã k'orea Isaíapa nãɨya jarasima: «Ewaricha mɨ jua ɨapachima ẽpẽrarã k'ɨɨrɨwẽa be mãɨnepa mɨne ĩjãawẽa be mɨmá chedamẽrá».

Hebreo 12:25

Mãɨ k'orea jĩrak'aua p'anat'ɨ Tachi Ak'õrepa jara bɨt'a itu bɨdaemaapa. Chi ichia nãɨ ĩjũane Sinaí eyade jarada itu bɨdaadarã ɨtɨaside ãjã́ p'aneenaé pasima. Mãɨpuru ichia pajãnepa tachi sõne jara bɨt'a itu bɨdaipɨra ¿Mĩrunaik'ãra? Mĩrunaiwẽma.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.