Mateo 2:13 - Tachi Ak'õre Pedea

¹³ Ãchi wãnak'ari, Tachi Chiparipa ɨt'aripa peedapa k'ãmok'araade Josea chek'ari jarasima: —Herodepa pɨ warra chak'e jɨrɨ bɨma peai k'orea. Mãɨ p'irabarik'ari pɨ warra chak'e mãɨnepa chi nae ateewãse Egito tuadea. Mãma beese aba mɨa jararumá.

Mateo 2:13 ပူးပေါင်းရင်းမြစ်များ

Mateo 1:20

Mãɨya k'ɨ̃risia bɨde Tachi Chiparipa ɨt'aripa peeda k'ãmok'araadepa Josemá chek'ari nãɨya jarasima: «José, Davidepa chedada, María atai wap'earãse, ichi Tachi Ak'õre Jaoredeepuru biak'oapida pẽra.

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 2:12

Mãɨya bak'ari k'ãmok'araade Tachi Ak'õrepa jarasima waa wãpidaemaapa Herodemá. Mãɨneepuru o awaraɨde wãsidama ãchi tuadea.

Mateo 2:14

Ara mãɨne José p'irabarisima. María mãɨnepa chi warra jitak'ari, teamasi Egitodea wãsidama.

Mateo 2:16

Herodepa k'awasima k'ãk'ãinepa k'awapataɨrãpa ichi seasidaɨt'a. Mãɨpuru minachia k'ĩruuk'ari Belenepema warrarã waidi ãyo ume padawẽa be ãarea k'enapisima. Ara k'ait'apemarã sida k'enapisima. Mãɨya oosima k'ãk'ãinepa k'awapataɨrãpa k'ãk'ãi ununana ewari ichiá jaradada pẽra.

Mateo 2:22

Maamina Josepa k'awasima Arquelao ichi ak'õre Herode pari Judea tuadepema poro jũra jɨ̃parí jɨ̃ bɨ beesit'a. Mãɨ k'orea mãmá wãi wap'easima. Maamina Tachi Ak'õrepa ichiá k'ãmok'araade jarada pẽra Galilea tuadea wãsima.

Hecho 10:22

Ãchia p'anoosidama: —Tai papaká berã chi mãɨrã chaarea bɨ Corneliopa peesima. Ichi ẽpẽra jĩp'a bɨma mãɨnepa Tachi Ak'õre wap'ea bɨma. Ãarea judiorãpa ichi k'orea pia k'ɨ̃risia p'anɨma. Tachi Ak'õrepa ɨt'aripa peedapa mãɨ pɨ tiidá chepik'ari maapae pɨ pedea ũrimẽrá.

Hecho 10:7

Tachi Ak'õrepa ɨt'aripa peeda ichi ome pedea bak'ari wãsima. Wãk'ari Corneliopa chi ichi pae pari mimiapataɨrã ume mãɨnepa papaká bɨ aba t'ɨ̃sima. Mãɨ papaká bɨpa Cornelio k'aripapachima mãɨnepa Tachi Ak'õre wap'ea basima.

Hecho 12:11

Maapaepuru Pedropa k'awasima ichi k'amok'araaé pasit'a. Ichi tuaba jarasima: «Naapae mɨa k'awasima Tachi Chiparipa piarã Tachi Ak'õrepa ɨt'aripa peeda peek'ari mɨ Herode juadepema k'ẽet'aasit'a. Ichiaba chi judiorãpa mɨ piawẽa oodai k'ɨ̃risia p'anananepema piarã k'ẽet'aasima».

Hecho 12:7

Mãɨya bɨde Tachi Chiparipa ɨt'aripa peedapa Pedroa unupisima. Mãɨpa chi jɨ̃a nɨbadamá eda ɨnaa nɨbeepisima. Pedro orromá totomĩak'ari, ɨ̃rɨmapik'ari jarasima: «Ɨbɨa p'irabarise». Mãɨya bɨde chi k'ãnena ichi jua jɨ̃ bada ẽreechoa wãsidama.

Hecho 16:36

Maapae chi jɨ̃a nɨbɨpataɨ te ot'eaparipa Pabloa jarasima: —Chi chaarearãpa mãra k'ẽet'apade a jara peesidama. Mãɨpuru sõpia wãt'ɨ.

Hecho 5:19

Maamina ara mãɨ teamasi chi Tachi Chiparipa ɨt'aripa peedapa chi eda wãpataɨ ewak'ari maapae ãchi awara peesima. Maapae jarasima:

Hecho 7:19

Mãɨpuru tachi p'uuru k'ũraak'ari minachia nemietá oosima. Ãchi warrarã chiwidi t'õna ameepik'oasima mãɨ piudamẽrá.

Apocalipsi 12:14

Maamina jepa piawẽa oopiemaapa Tachi Ak'õrepa wẽrá ĩk'arra ume teasima ĩjũa pania newẽa bɨmá wãamari wãmẽrá. Mãma Tachi Ak'õrepa ichi ãyo ũpeak'ari ya estarik'a chi jedepema ak'ɨ uru bai k'orea ãarea oo uru basima.

Apocalipsi 12:4

Ichi tu jĩnap'et'aside k'ãk'ãi perá estarik'a pajãnepa nãɨ ĩjũanea baepisima. Mãɨ je wẽra warra t'õi k'orea bɨmá bai nɨbeesima warra chak'e t'õrune mii k'orea.

Apocalipsi 12:6

Maapae wẽra ĩjũa pania newẽa bɨmá mĩruwãsima. Mãma Tachi Ak'õrepa ãarea oo uru basima, 1.260 ewari ichi ak'ɨ uru p'ananamẽrá.