Mateo 17:2 - Tachi Ak'õre Pedea

² Mãma ãchi k'ĩrari Jesú k'ĩra awara unupisima. Ichi k'ĩra ɨmata jĩra achiterrea unupisima mãɨnepa ichi neet'á t'ot'oa achiterrea beesima.

Mateo 17:2 ပူးပေါင်းရင်းမြစ်များ

Mateo 17:1

Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima.

Mateo 17:3

Mãɨya bɨde ãchia unusidama Moisé mãɨnepa Elía Jesú ome pedeamaa p'anɨ.

Mateo 28:3

Ichi k'ĩra pa achiterreapari jĩra urua basima. Ichi neet'á minachia t'ot'oa basima.

Marco 9:3

Ichi neet'á t'ot'oa achiterrea beesima. Nãɨ ĩjũane abaɨ pida ichi neet'á t'õrune, mãɨya t'ot'oa achiterrea p'ue beepik'ama.

Luca 9:29

Mãma Jesupa Tachi Ak'õrea ɨt'aa chiidimaa bɨde ichi k'ĩra awara unupisima. Ichi neet'á t'ot'oa achiterrea beesima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

Apocalipsi 10:1

Mãɨya nak'ari k'ãmok'araa jĩra mɨa Tachi Ak'õrepa ɨt'aripa peeda chi atepe bɨt'a pajãnepa edá cherut'a unusima. Ichi neet'á jɨ̃ara jĩra basima. Ichi poro ɨ̃rɨ iuma jũra basima. Ichi k'ĩra ɨmata jĩra urua basima. Ichi jĩru t'ɨpɨ urua nɨbɨ jĩra basima.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.