Mateo 13:54 - Tachi Ak'õre Pedea

⁵⁴ Maapae ichi p'uurudea chesima. Ewariaba judiorã ará pedeapataɨ tede jaratea basima. Chi ũri p'anɨpa k'awa k'ɨ̃risiadaé pasi pẽra nãɨya jarasidama: —Nãɨpa ¿sãmãɨpa jãɨ k'ɨ̃risia k'awa atasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Mateo 13:54 ပူးပေါင်းရင်းမြစ်များ

Mateo 2:23

Mãma Nazaré p'uuru apataɨde beesima. Mãɨyasima Tachi Ak'õre pari pedeapataɨrãpa mãɨya jaradada jĩra: “Ichi Nazaredepemaane adaima”.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 7:28

Jesupa jõma jarateak'ari ẽpẽrarãpa k'awa k'ɨ̃risiadaé pasima.

Luca 2:47

Mãɨne ãchia idi p'ananat'a ichia pia p'anoopachima. Jõma ichi ũri p'anɨpa k'awa k'ɨ̃risiadaé pasima ichi k'ɨ̃risiadepa p'anoo bɨẽra.

Juan 1:11

Pajãnepa ichi tuadepemarãmá chesima. Ya ãchia ichi jitadaé pasima.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 4:13

Chi judiorã chaarearãpa Pedro mãɨnepa Juan ne wap'eawẽa pedea p'anɨt'a unusidaɨde k'awa k'ɨ̃risiadaé pasima. Pedro mãɨnepa Juan k'art'a atua p'anɨ unusidaɨde, k'awasidama ãchi Jesú ome p'ɨrrɨapachidat'a.