Mateo 12:41 - Tachi Ak'õre Pedea

⁴¹ Mãɨ awara Tachi Ak'õrepa ãareaɨrã ɨtɨai ewaride Nínive p'uurudepemarã p'irabaridak'ari chi idiapaepemarã nepɨra pará bɨade adaipɨ. Jonapa jarada ũrisidaɨde ãchia nemietá oopataɨ itu bɨdak'ari Tachi Ak'õremá chesidama. Mãɨ Joná k'aepẽra chi atepe bɨ nãma bɨmina mãrapa ĩjãanawẽa p'anɨma.

Mateo 12:41 ပူးပေါင်းရင်းမြစ်များ

Mateo 12:39

Maamina Jesupa p'anoosima: —Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ.

Mateo 12:42

Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.

Mateo 12:45

Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».

Mateo 12:6

Mɨa jararuma: Tachi Ak'õre te minachia bɨ k'aepẽra chi atepe bɨt'a nãma bɨma.

Mateo 16:4

Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Idi p'anɨma mɨa ne ẽpẽrarãpa ne p'ue oodak'apɨ́ oomẽrá. Maamina mɨa mãɨya ooiwẽma. Mãrapa abapuru Tachi Ak'õre pari pedeaparí Joná mãɨya bada jĩra ununaipɨ». Mãɨya jarak'ari, ãchi ameesima.

Mateo 17:17

Jesupa jarasima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Mateo 23:36

Mɨa piarã jararuma: jõma mãɨ ẽpẽrarã peadada k'orea Tachi Ak'õrepa idiapaepema ẽpẽrarã ɨtɨaipɨ.

Luca 11:32

Tachi Ak'õrepa ãareaɨrã ɨtɨai ewaride Nínive p'uurudepemarã sida p'irabaridak'ari chi idiapaepemarã nepɨra pará bɨade adaipɨ. Jonapa jarada ũrisidaɨde ãchia nemietá oopataɨ itu bɨdak'ari Tachi Ak'õremá chesidama. Mãɨ Joná k'aepẽra chi atepe bɨ nãma bɨmina mãrapa ĩjãanawẽa p'anɨma.

Juan 3:31

»Chi ɨt'aripa cheru ãareaɨrã k'aepẽra chi atepe bɨma. Chi nãɨ ĩjũane bɨt'a nãɨ ĩjũanepema pẽra aba nãmapemat'u pedeaparima. Mãɨpuru chi pajãnepa cheru ãareaɨrã k'aepẽra chi atepe bɨma.

Juan 4:12

Tai chõarãenapema Jacopa nãɨ yooro k'orodade pania joe ũu bɨt'a tai pae ameesima. Nãɨnepema to bapachima. Ichi warrarãpa mãɨnepa ichi ãnimararã pida topachidama. ¿Mãɨyara pɨ Jacó k'aepẽra chi atepe bɨk'ãra?

Romano 2:27

Mãra judiorã k'ak'ua tauchaapatama unupidai k'orea Tachi Ak'õre ẽpẽrarãt'a. Mãɨnepa Moisepa bɨda k'awa p'anɨma. Maamina mãɨ Moisepa bɨda oodawẽa p'anɨma. Mãɨpuru chi k'ak'ua tauchaawẽa p'anɨpa mãɨ Moisepa bɨda oodaipɨra, k'awapidaipɨ mãra judiorãmina nepɨra pará p'anɨt'a.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.