Mateo 11:13 - Tachi Ak'õre Pedea

¹³ Tachi Ak'õre pari pedeapataɨrãpa mãɨnepa Moisé pida Tachi Ak'õre ichidirã ichi juade ua bɨ k'orea pedeapachidama aba Juan chi Porochoaparí ewaridea.

Mateo 11:13 ပူးပေါင်းရင်းမြစ်များ

Mateo 11:12

Juan chi Porochoaparipa jaratea beesiedapema waa idi Pajãne Bɨpa ichidirã ichi juade ua bɨdepemarã atepe mĩa p'anɨma. Ẽpẽra k'achiarãpa ãchi k'achia oo k'ɨ̃ria p'anɨma.

Mateo 11:14

Ãchia jarasidama aba Elía jĩra bɨt'a cheipɨ. Mãrapa k'awa k'ɨ̃ria p'anɨpɨra, chi chei pada jara p'anana; mãɨ Juanpɨ.

Luca 24:27

Maapae Tachi Ak'õre k'art'ade ichi k'orea bɨdada ãarea k'awa jarasima. Moisepa bɨda mãɨnepa Tachi Ak'õre pari pedeapataɨrãpa bɨdada ãarea k'awa jarasima.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Hecho 13:27

Jerusalenepemarãpa mãɨnepa ãchi chaarearãpa Jesú Tachi K'aripaparí k'awadaé pasima. Tachi Ak'õre pari pedeapataɨrãpa bɨdada mimianak'apɨ́ ewaricha jĩk'ua eda jarapatamina chi ichi k'orea bɨdada k'awadaé pasima. Mãɨpari Jesú peapisidaɨde mãɨ pedea jara bɨt'a piarã oosidama.

Romano 3:21

Maamina idiapae Tachi Ak'õrepa k'awapisima mãɨ Moisepa bɨ bada awara sãmaasã́ ẽpẽrarã chi ichidirã jĩp'a berã paara bɨpariit'a ara ichia jara bada jĩra. Moisepa bɨdade mãɨnepa Tachi Ak'õre pari pedeapataɨrãpa bɨdada k'art'ade pida mãɨ k'orea bɨ bɨma.