Mateo 10:23 - Tachi Ak'õre Pedea

²³ P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 10:23 ပူးပေါင်းရင်းမြစ်များ

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Mateo 2:13

Ãchi wãnak'ari, Tachi Chiparipa ɨt'aripa peedapa k'ãmok'araade Josea chek'ari jarasima: —Herodepa pɨ warra chak'e jɨrɨ bɨma peai k'orea. Mãɨ p'irabarik'ari pɨ warra chak'e mãɨnepa chi nae ateewãse Egito tuadea. Mãma beese aba mɨa jararumá.

Mateo 23:34

Mɨa Tachi Ak'õre pari pedeapataɨrã, k'ɨ̃risia k'awa berã mãɨnepa Moisepa bɨda jarateapataɨrã mãramá peeipɨ. Maamina mãrapa chi eda waapẽarã peadaipɨ mãɨnepa chi eda waapẽarã k'urusude barijira bɨdaipɨ. Waapẽarã mãra judiorã ará pedeapataɨ tede soapa p'edaipɨ mãɨnepa p'uurucha ẽp'ẽnaipɨ.

Mateo 23:36

Mɨa piarã jararuma: jõma mãɨ ẽpẽrarã peadada k'orea Tachi Ak'õrepa idiapaepema ẽpẽrarã ɨtɨaipɨ.

Mateo 24:27

Ẽpẽra Warra cheru jõmãɨrãpa pia ununaipɨ, pa p'up'ureaparí ɨmata ochiaparidepa ɨmata waa baewãparidea pia unupata jĩra.

Mateo 24:30

Mãɨne pajãne ne ununaipɨ. Mãɨ mɨ, chi Ẽpẽra Warra cherudepemapɨ. Mãɨ unuutade jõma nãɨ ĩjũane berã p'uuru jẽanaipɨ chi p'erapa. Mɨ jɨ̃arane jua chaareadepa cheru mãɨnepa k'ĩrawãrea achiterrea bɨ ununaipɨ.

Mateo 24:34

Mɨa mãrá piarã jararuma: nãɨ ewaridepema ẽpẽrarã piudai naena mãɨ ãarea mãɨyaipɨ.

Mateo 24:48

Maamina mãɨ mimiaparí sõk'achia baipɨra, ichi sõne “mɨ chipari tãaraayane” aipɨ.

Mateo 25:13

»Mãɨ k'orea mãra tau pará p'anat'ɨ. Mɨ, chi Ẽpẽra Warra chei ewari mãɨnepa chi hora atua p'anɨma.

Mateo 26:64

Jesupa p'anoosima: —Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Mateo 4:12

Juan chi Porochoaparí eda jɨ̃a nɨbɨ ũriside Jesú jĩitea Galilea tuadea wãsima.

Marco 13:26

»Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.

Luca 18:8

Mɨa jararuma: piarã tãaraawẽa bɨde Tachi Ak'õrepa k'aripaipɨ. Maamina mɨ, chi Ẽpẽra Warra cherude ¿nãɨ ĩjũane wapida mɨ pedea ĩjãa p'anɨ unune cheik'ãra?»

Luca 21:27

Mãɨneepuru ununaipɨ mɨ, chi Ẽpẽra Warra jɨ̃arane jua chaareadepa cherut'a, mãɨnepa k'ĩrawãrea achiterrea bɨt'a.

Juan 7:1

Mãɨya nak'ari Jesú Galilea tuade p'ɨrrɨa nipasima. Judea tuadea wã k'ɨ̃riaé pasima judiorã chi minachia k'awa p'anɨrãpa peadayá oo p'anasi pẽra.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 17:14

Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama.

Hecho 20:1

Mãɨya k'ĩruupik'a para bak'ari itu bɨdak'ari Pablopa chi Jesude ĩjãapataɨrã t'ɨ̃k'oak'ari ãchi ome pedeasima Tachi Chiparide pia ĩjãanamẽrá. Maapae wãyane ak'ari Macedonia tuadea wãsima.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.