Marco 9:7 - Tachi Ak'õre Pedea

⁷ Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».

Marco 9:7 ပူးပေါင်းရင်းမြစ်များ

Mateo 27:43

Ichia k'ɨ̃risia bɨma Tachi Ak'õre ichi ome bɨt'a. ¿Ichi Tachi Ak'õre Warraade aé pasik'ãra? Mãɨya bɨpɨra Tachi Ak'õrepa ichi piarã k'ɨ̃ria bɨpɨra, ara nãɨena k'aripai pia bɨma.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Marco 1:11

Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ sõ arapá bɨma».

Marco 9:6

Pedropa k'ãre jarai k'awaé pasima, ãchi ãarea p'era p'anasidaɨdepa.

Marco 9:8

Ara mãɨne ãchik'á ak'ɨsidaɨde waa waapẽarã ununaé pasima. Aba Jesut'u basima.

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Juan 1:34

Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Juan 12:28

Mãɨpari jararuma: Ak'õre, mãɨ mɨ mĩarunepa ãareaɨrã́ k'awapise pɨ chi Choma bɨt'a. Mãɨne ẽpẽerã arí p'anɨrãpa pedea pajãne ũrisidama. Mãɨ pedeapa jarasima: «Mɨa naena k'awapisima mɨ chi Choma bɨt'a mãɨnepa mãicha k'awapiipɨ».

Juan 19:7

Maamina judiorãpa p'anoosidama: —Taipa Moisepa bɨda uru p'anɨma. Mãɨ Moisepa bɨdade jara bɨ jĩra ichi piui bɨma ara ichi Tachi Ak'õre Warraade a bɨ pẽra.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 5:18

Mãɨ k'orea judiorã chi chaarearãpa ichi atepe peada k'ɨ̃ria p'aneesidama. Ichia mimianak'apɨ́ ewaride ne oodak'apɨ́ oodat'a k'ɨ̃rianaé pasima. Mãɨ awara mɨ Ak'õreane ada k'orea mãɨ atepe k'ɨ̃rianaé pasima mãɨpa ara ichi Tachi Ak'õreane ada pẽra.

Juan 5:37

Piarã mɨ Ak'õre, chi mɨ Peedapa mɨ k'orea pedea bɨma. Maamina mãrapa ichi pedea ũrinak'ama mãɨnepa ichi ununak'ama.

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Juan 9:35

Jesupa ũrisima tau p'ãrio bada ãyá jeret'aasidat'a. Mãɨ k'orea ichi jɨrɨde wãsima. Unuk'ari idisima: —¿Pɨa chi Ẽpẽra Warrade piarã ĩjãa bɨk'ãra?

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

Hecho 7:37

Ara mãɨ Moisepa israel ĩjũanepemarã́ jarasima: “Tachi Ak'õrepa mɨ peeda jĩra chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ”.

Hecho 8:36

Mãɨya wãutade pania bɨmá pasidama. Mãɨne chi Etiopiadepema mimiaparí minachia k'awa bɨpa jarasima: —Ak'ɨse. Nãma pania bɨma. ¿K'ãarepa mɨ p'ue porochoaiwẽa bɨma?

Hebreo 2:1

Mãɨpuru jĩrak'aua p'anat'ɨ tachia chi piarãpẽa pedea ũrinaanat'a minachia ũrinai p'anɨma mãɨnepema ãyá wãnaemaapa.

2 Pedro 1:17

Tachi Pajãnepema Ak'õrepa ichi k'orea pia jaraside mãɨnepa chi atepe unupiside tai mãma p'anasidama. Mãɨne Tachi Ak'õre chi atepe minachia k'ĩrawãrea bɨpa nãɨya jarasima: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma».

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.