Marco 9:50 - Tachi Ak'õre Pedea

⁵⁰ T'ã pia bɨma maamina k'ɨyaawẽa beesira ¿sãmaasã́ mãicha k'ɨyaa beeima? Mãɨpuru Tachi Ak'õre pae pia p'anat'ɨ. Mãɨnepa ara machi ẽpẽerã paara sõpia p'anat'ɨ.

Marco 9:50 ပူးပေါင်းရင်းမြစ်များ

Mateo 5:13

»Mãra nãɨ ĩjũane t'ã jĩra p'anɨma. Maamina t'ã k'ɨyaa jõsira ¿sãmaasã́ mãicha k'ɨyaa beeima? Jãapae k'ɨ̃rianaiwẽma. Tajatá amaai pia bɨma t'ɨadamẽrá.

Marco 9:34

Ãchi k'ĩup'ea p'aneesidama piarã k'ĩruu pedea chedada pẽra. Ara ãstu k'ĩruu pedea p'anasidama k'ai chi atepe bɨt'a k'awadai k'orea.

Marco 9:49

Tachi minachia mĩa p'anɨnepa Tachi Ak'õre pae pia p'ananaipɨ, t'ã ne k'iurude p'ɨrɨpari jĩra.

Romano 12:18

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Ep'esio 4:29

Pedea k'achia pedearãt'ɨ. Mãɨpari waapẽarã k'aripadai k'orea abapuru pedea piat'a pedeat'ɨ. Mãɨya chi mãra pedea ũri be pia p'ananaipɨ.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Colosense 4:6

Pedea piadepa pedeat'ɨ jõmãɨrãpa pia ũrinamẽrá. Mãɨya Cristo k'orea chiidiutade mãrapa k'awa p'ananaipɨ sãmaasã́ p'anoonai p'anɨ.

1 Tesalonicense 5:13

Ãchi k'orea pia k'ɨ̃risiat'ɨ. Ãchia oo p'anɨ k'orea minachia k'ɨ̃riat'ɨ. Jõmãɨrã ome pia tuanat'ɨ.

2 Timoteo 2:22

K'ũtãarãpa nemietá oo k'ɨ̃riapataɨ jĩra oorãse. Mãɨpari jĩp'a ooi k'orea base. Jesude ĩjãa base. Jõmãɨrã k'ɨ̃ria base. Jõmãɨrã ome ne k'ɨ̃risiawẽa base. Tachi Chiparia ɨt'aa chiidipataɨrã ome sõ jĩp'a bɨdepa ãarea mãɨya base.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

Santiago 1:20

Tachi k'ĩruutade Tachi Ak'õrepa jĩp'a oopi bɨ oodak'ama.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.