Marco 9:43 - Tachi Ak'õre Pedea

^43-44 Pɨ juapa pɨá nemietá oopisira, mãɨ bɨat'ut'aase nemietá ooemaapa. Piipará bɨma jua mosá ewaricha Tachi Ak'õre ome bait'a, mãɨ tachi jua ume uru bɨ ome t'ɨpɨ tau urua nɨbɨ k'iik'amá wãi k'aepẽra.

Marco 9:43 ပူးပေါင်းရင်းမြစ်များ

Mateo 17:27

Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Mateo 3:12

Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».

Mateo 5:22

Maamina mɨa jararuma: abaɨpa chĩara ome k'ĩruusira Tachi Ak'õrepa ɨtɨaipɨ. Abaɨpa chĩará k'ĩra piawẽa bɨade arupara, mãɨ chi chaarearãpa ɨtɨadaima. Ichiaba abaɨpa chĩará k'achia pedeasira, Tachi Ak'õrepa t'ɨpɨ tau uruadea wãpiipɨ.

Luca 14:13

Mãɨpari, pɨa ẽpẽrarã t'ɨ̃rune chi nenea berã, sorek'ea berã, sĩta bak'ea berã, tau p'ãrio berã sida t'ɨ̃k'oase.

Luca 14:21

Chi ichi pae pari mimiaparí jĩitea wãk'ari ãchia jaradada te chiparia jarasima. Mãɨ k'orea chi chipari minachia k'ĩruuk'ari ichi pae pari mimiaparia jarasima: “P'uurudea isapea wãpade asima. Maapae chi nenea berã, chi sorek'ea berã, chi tau p'ãrio berã, chi sĩta bak'ea berã sida ãarea chepik'oase”.

Luca 3:17

Ɨt'aa jira bat'aparí ichi juade uru bɨma chi trigo tau jora ãyá amaai k'orea. Maapae chi tau ẽechoada yaaipɨ maamina chi jora t'ɨpɨ uruade paaipɨ. Mãɨ k'iik'ama».

Romano 8:13

Mãra nãɨ k'ak'uapa oo k'ɨ̃ria bɨdepa nipadaipɨra piudaipɨ. Maamina chi nãɨ k'ak'uapa nemietá oo k'ɨ̃ria bɨt'a Tachi Ak'õre Jaoredepa itu bɨdaipɨra, Tachi Ak'õre ome chok'ae p'ananaipɨ.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Hebreo 12:1

Mãɨ ẽpẽerã minachia p'anɨrãpa Tachi Ak'õrene piarã ĩjãasida pẽra tachia pida ara mãɨ jĩra ĩjãa p'ananai p'anɨma. Chi tachiá itu ĩjãapik'aɨ mãɨnepa nemietaapa tachi pɨra uru baparí ãyá bɨdak'ari ãarea choa p'anɨnepa naa wãtɨma tachi wãnai p'anɨmá.

1 Pedro 2:1

Mãɨpuru waapẽarã piawẽa oodai itu bɨt'ɨ. Waapẽarã searãt'ɨ. Waapẽarãpa ara ãchia jarapataɨ jĩra oodak'ama. Mãɨ ẽpẽrarã jĩra p'anarãt'ɨ. Abaɨpa uru bɨ k'orea piawẽa k'ɨ̃risiarãt'ɨ. Waapẽarã k'orea k'achia pedearãt'ɨ.