Marco 9:29 - Tachi Ak'õre Pedea

²⁹ Jesupa p'anoosima: —Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma, nakɨɨ jaore mietá ãyá jeret'aadai k'orea.

Marco 9:29 ပူးပေါင်းရင်းမြစ်များ

Mateo 12:45

Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima. Ara mãɨ jĩra mɨne ĩjãawẽa p'anɨ k'orea mãra, chi idiapaepemarã k'achia berã ome, mãɨ atepe k'achiade p'aneenaipɨ».

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Mateo 17:21

Maamina jaore mietá nãɨ jĩra be ãyá jeret'aadai k'orea Tachi Ak'õrea ɨt'aa chiididai p'anɨma mãɨnepa Tachi Ak'õrene k'ɨ̃risiadayá nek'odak'apɨ́ ewari oodai p'anɨma.

Marco 9:28

Jesú tiidá wãk'ari chi ichi ome p'ɨrrɨapataɨrãpa ãchi tuaba idisidama: —¿K'ãre k'orea taipa jãɨ jaore mietá p'ue ãyá jeret'aadaé pasima?

Marco 9:30

Mãmãɨpa Galilea tuade p'ɨrrɨa wãsidama. Maamina Jesupa sãma p'anɨt'a mi ãpia pida abaɨa k'awapii k'ɨ̃riawẽa basima,

Luca 11:26

Maapae siete jaore mietá ichi k'aepẽra k'achia berã mãɨ ẽpẽramá enemeek'ari chi ẽpẽra sõne p'aneene eda wãpatama. Mãɨpuru chi ẽpẽra ichi naa bada k'aepẽra atepe piawẽa beeparima».

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 12:8

Mɨa bari k'ak'o ũpea Tachi Chiparia chichupuria idisima mãɨ p'ua jõpimẽrá.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Santiago 5:15

Mãɨnepa ĩjãa p'ananai p'anɨma Tachi Ak'õrepa ichi jɨpa beepiit'a. Mãɨya ɨt'aa chiididaipɨra Tachi Chiparipa jɨpa beepiipɨ. Chi k'ak'ua piawẽa badapa nemietá oosira, Tachi Chiparipa mãɨ k'ɨ̃risia atuaipɨ.