Marco 9:23 - Tachi Ak'õre Pedea

²³ Mãɨne Jesupa jarasima: —Pɨa ¿sãmaasã́ “mɨa p'ueima” a bɨma? Chi ĩjãa bɨpa ne ãarea p'ue bɨma.

Marco 9:23 ပူးပေါင်းရင်းမြစ်များ

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Marco 11:23

Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma.

Marco 9:22

Bari k'ak'o minachia ichi t'ɨpɨde baepiparima mãɨnepa toeda baepiparima ichi peai k'orea. Tai k'ĩra chupuriase. P'ue k'aripai bɨpɨra, k'aripase.

Marco 9:24

Ara mãɨne chi ak'õrepa jĩk'ua jarasima: —Mɨa ĩjãa bɨma maamina k'aripase mɨa pia ĩjãai k'orea.

Luca 17:6

Tachi Chiparipa jarasima: —Mostaza net'a tau ãpia k'ɨrɨ jĩra mãrapa ãpia ĩjãa p'anɨpara, cha bɨ pak'urua “pɨ k'arra ẽut'aak'ari p'usadea wãpade” autade ara mãɨ pak'urupa mãra pedea ĩjãai pasima.

Juan 11:40

Maamina Jesupa jarasima: —¿Mɨa jarawẽa basik'ãra pɨa piarã ĩjãaipɨra, Tachi Ak'õre chi choma bɨ unuit'a?

Hecho 14:9

chi Pablopa pedea bɨt'a ũrisima. Pablopa ichimá ak'ɨrude k'awasima ichia piarã ĩjãa bɨ Jesupa ichi p'ue jɨpa beepiit'a.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.