Marco 9:2 - Tachi Ak'õre Pedea

² Ewari k'ak'o sei pak'ari Jesupa Pedro, Santiago mãɨnepa Juan ãchi tuaba eya ɨt'ɨ bɨmá ateewãsima. Mãma ãchi k'ĩrari Jesú k'ĩra awara unupisima.

Marco 9:2 ပူးပေါင်းရင်းမြစ်များ

Mateo 14:13

Jesupa Juan k'ĩrawẽana ũriside ichi tuaba p'ãp'orrode ĩjũa ẽpẽrarã newẽmá wãsima. Maamina ẽpẽrarãpa ichi sãmá wãru k'awasidaɨde p'uuruchadepemarã jĩte ichi k'aade wãsidama.

Marco 14:33

Maapae Pedro, Santiago mãɨnepa Juan awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima.

Marco 16:12

Mãɨya nak'ari Jesú ome p'ɨrrɨapataɨrã ume p'uurudepa wãuta pasima. Mãɨrã́ Jesupa ara ichi k'ĩra awara unupisima.

Marco 5:37

Maapae Jesupa Pedro, Santiago mãɨnepa Santiago ũpẽa Juan mãɨ Jairo tiidá ateewãsima. Chi waapẽarã itu wãpié pasima.

Luca 6:12

Ewariaba Jesú eyadea wãsima. Mãma Tachi Ak'õrea ɨt'aa chiidi bɨt'a ewarisima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Romano 12:2

Chi nãɨ ĩjũanepemarãpa oopataɨ jĩra niparãt'ɨ, mãɨpari k'ɨ̃risia chiwidi Tachi Ak'õrepa tea bɨdepa jĩp'a nipat'ɨ. Mãɨya Tachi Ak'õrepa k'ɨ̃ria bɨt'a mãrapa k'awadaipɨ. Jõma ichia k'ɨ̃ria bɨt'a pia bɨma, jĩp'a bɨma mãɨnepa ichia pia unu bɨma.

2 Corintio 13:1

Tachi Ak'õre pedeade nãɨya jara bɨma: «Nepɨracha ak'ɨutade ẽpẽra ume wa ũpea arí p'ananai p'anɨma. Mãɨne ichi nepɨra k'orea mãɨ ume wa ũpea p'anɨrãpa abarik'a jaradaipɨra, k'awadaipɨ piarã mãɨya basit'a». Nãɨpa bari k'ak'o ũpea mɨ mãramá wãru pẽra ɨtɨaipɨ Tachi Ak'õre pedeade jara bɨ jĩra.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.