Marco 9:18 - Tachi Ak'õre Pedea

¹⁸ Chi jaore mietapa jitarucha jeeda bat'a peeparima, ik'ok'op'ea beepiparima, chi k'ida k'osterrea mãɨnepa k'ak'ua ɨɨbɨa beepiparima. Mɨa pɨ ome p'ɨrrɨapataɨrã́ jarasima jãɨ jaore mietá ãyá jeret'aadamẽrá. Maamina p'uedaé pasima.

Marco 9:18 ပူးပေါင်းရင်းမြစ်များ

Mateo 15:22

Mãɨne cananeo wẽra mãɨ tuadepema Jesú nimá chesima. Mãɨ wẽrapa nãɨya jĩk'ua pedea nɨbeesima: —¡Mɨ Chipari, Davidepa cheda, mɨ k'ĩra chupuriase! Mɨ k'au jaore mietapa minachia mĩapi bɨma.

Mateo 17:16

Mɨa ichi pɨ ome p'ɨrrɨapataɨrãmá enemeesima, maamina p'ue jɨpa beepidaé pasima.

Mateo 8:12

Maamina Tachi Ak'õrepa ẽpẽrarã naa ua k'ɨ̃ria bada p'ãrionea ãyá jerek'oaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.

Marco 11:23

Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma.

Marco 9:17

Mãɨ chi minachia nɨbɨdepema abaɨpa p'anoosima: —Jarateaparí, mɨ warra enemeesima pɨa jɨpa beepimẽrá. Ichi jaore mietá uru bɨma. Mãɨ jaore mietapa ichi k'ĩrame t'urrá uru bɨma.

Marco 9:19

Jesupa jarasima: —¡Ẽpẽerã ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Marco 9:20

Ara mãɨne chi warra Jesumá ateewãsidama. Chi jaore mietapa Jesú unurune chi warra k'ak'ua orepik'ari, mãɨ jeeda baek'ari mãɨnepa it'aedea k'ok'op'ea beesima.

Marco 9:26

Ara mãɨne chi jaore mietá biak'ari chi warra mãicha ɨbɨa wɨwɨrrɨapisima. Maapae ichi k'ak'uadepema wãsimina, chi warra wapida piuda jĩra beesima. Mãɨpuru chi arí p'anɨrãpa jara tuaneesidama: —¡Ai, jãɨ warra k'ĩrawẽasima!

Hecho 7:54

»Mãɨ pedea ũrisidaɨde chi judiorã minachia k'awa p'anɨrã Esteban ome minachia k'ĩruutapa ãchi k'ida k'osterrea p'aneesidama.

Juda 1:13

Ãchi p'usa jɨ̃ara t'awa jĩra p'anɨma. Ara chi p'usapa ichi t'awadepa k'ok'op'ea amaapari jĩra, ãchia ne k'ĩra p'era wawaria oopatama. Mietade wãpata pẽra, ãchi chi k'ãk'ãi urua wãru jĩra p'anɨma, chi o atua p'anɨẽra. Tachi Ak'õrepa uria minachia p'ãrio bɨde bɨsima ãchi ewaricha ɨtɨai k'orea.