Marco 9:17 - Tachi Ak'õre Pedea

¹⁷ Mãɨ chi minachia nɨbɨdepema abaɨpa p'anoosima: —Jarateaparí, mɨ warra enemeesima pɨa jɨpa beepimẽrá. Ichi jaore mietá uru bɨma. Mãɨ jaore mietapa ichi k'ĩrame t'urrá uru bɨma.

Marco 9:17 ပူးပေါင်းရင်းမြစ်များ

Mateo 12:22

Maapae ẽpẽra jaore mietá pará bɨ Jesumá enemeesidama. Mãɨ ẽpẽra tau p'ãrio basima mãɨnepa k'ĩrame t'urrá basima. Jesupa ichi jɨpa beepisima pedeamẽrá mãɨnepa unu beemẽrá.

Mateo 17:15

—Mɨ Chipari, mɨ warra k'ĩra chupuriase. Minachia mĩa bɨma. Wawaparima, mãɨnepa edaɨde minachia t'ɨpɨde baeparima mãɨnepa edaɨde toeda baeparima.

Mateo 9:32

Mãɨ tau p'ãrio p'anana wãutade waapẽarãpa ẽpẽra k'ĩrame t'urrá bɨ jaore mietá pará bɨ enemeesidama.

Marco 10:13

Mãɨne ẽpẽerãpa warrarã Jesumá enemeesidama ichi jua ɨ̃rɨ bɨk'ari pia pedeamẽrá. Maamina chi Jesú ome p'ɨrrɨapataɨrãpa chi warrarã enemeedaadarã ɨtɨasidama.

Marco 5:23

nãɨya chichupuria idisima: —Mɨ k'au chae piumaa bɨma. Pɨ jua ichi ɨ̃rɨ bɨde chese jɨpa beemẽrá.

Marco 7:26

Mãɨne chichupuria idisima Jesupa jaore mietá ichi k'au k'ak'uadepema ãyá jeret'aamẽrá. Maamina chi wẽra judio wẽrawẽ pasima. Mãawẽa Sirop'eniciadepema pasima.

Marco 9:16

Jesupa ãchiá idisima: —¿K'ãre k'orea k'ĩruu pedea p'anɨma?

Marco 9:18

Chi jaore mietapa jitarucha jeeda bat'a peeparima, ik'ok'op'ea beepiparima, chi k'ida k'osterrea mãɨnepa k'ak'ua ɨɨbɨa beepiparima. Mɨa pɨ ome p'ɨrrɨapataɨrã́ jarasima jãɨ jaore mietá ãyá jeret'aadamẽrá. Maamina p'uedaé pasima.

Marco 9:25

Jesupa ẽpẽerã ará minachia cheuta ununa pẽra chi jaore mietá nãɨya ɨtɨasima: —K'ɨɨrɨ k'iipiparí mãɨnepa k'ĩrame t'urraapiparí jaore mietá, mɨa pɨá jararuma: nãɨ warra k'ak'uadepema ãyá wãse. Waa ichi k'ak'uade eda wãrãse.

Luca 11:14

Ewariaba Jesupa jaore mietá ãyá jeret'aasima. Mãɨ jaore mietapa ẽpẽra k'ĩrame t'urrá uru basima. Jaore mietá wãk'ari chi ẽpẽra pedeasima. Mãɨ unusidaɨde ẽpẽrarãpa k'awa k'ɨ̃risiadawẽa p'aneesidama.

Luca 9:38

Mãɨne abaɨpa nãɨya jĩk'ua jarasima: —Jarateaparí, mɨ k'ĩra chupuriak'ari, mɨ warra ak'ɨse. Mãɨ mɨa warra abapuru uru bɨpɨ.

Juan 4:47

Mãɨne ichia ũrisima Jesú Judeadepa Galilea tuadea chesit'a. Ara mãɨne Caná p'uurudea wãsima Jesú bɨmá. Chek'ari chichupuria idisima ichi warra k'ɨdade piumaa bɨt'a jɨpa beepide wãmẽrá.