Marco 8:38 - Tachi Ak'õre Pedea

³⁸ Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Marco 8:38 ပူးပေါင်းရင်းမြစ်များ

Mateo 12:39

Maamina Jesupa p'anoosima: —Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Mãrapa mɨ pajãnepa che bɨ k'awadai k'orea k'ɨ̃ria p'anɨma mɨa ẽpẽerãpa ne p'ue oodak'apɨ́ ooit'a. Maamina mɨa ẽpẽerãpa ne p'ue oodak'apɨ́ ooiwẽma. Mãrapa abapuru Tachi Ak'õre pari pedeaparí Joná mãɨ jĩra ununaipɨ.

Mateo 13:41

Mɨ, chi Ẽpẽra Warrapa mɨ Ak'õrepa ɨt'aripa peedarã peeipɨ nemietá oopataɨrã mãɨnepa nemietá oopipataɨrã Mɨ juade ua bɨdepemarã jɨrɨp'ek'oaipɨ.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:28

Mɨa piarã jararuma: chi eda waapẽarã nãma p'anɨ piudai naena ununaipɨ chi Ẽpẽra Warrapa ichidirã ichi juade ua bait'a.

Mateo 16:4

Mãra idiapaepemarã ẽpẽerã k'achia berãpa Tachi Ak'õrene ĩjãanai itu bɨmaa p'anɨma. Idi p'anɨma mɨa ne ẽpẽrarãpa ne p'ue oodak'apɨ́ oomẽrá. Maamina mɨa mãɨya ooiwẽma. Mãrapa abapuru Tachi Ak'õre pari pedeaparí Joná mãɨya bada jĩra ununaipɨ». Mãɨya jarak'ari, ãchi ameesima.

Mateo 24:30

Mãɨne pajãne ne ununaipɨ. Mãɨ mɨ, chi Ẽpẽra Warra cherudepemapɨ. Mãɨ unuutade jõma nãɨ ĩjũane berã p'uuru jẽanaipɨ chi p'erapa. Mɨ jɨ̃arane jua chaareadepa cheru mãɨnepa k'ĩrawãrea achiterrea bɨ ununaipɨ.

Mateo 25:31

»Mɨ, chi Ẽpẽra Warra jõma Tachi Ak'õrepa ɨt'aripa peedarã ome k'ĩrawãrea cherude, mɨ poro jũra jɨ̃parí jɨ̃ bɨ suak'a beeparí k'ĩrawãrea bɨde suak'abari beeipɨ ẽpẽrarã ak'ɨi k'orea.

Mateo 26:64

Jesupa p'anoosima: —Ãjã, pɨa mãɨya jara bɨma. Mãɨ awara mɨa jararuma: idiipa naa mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Marco 13:26

»Mãɨ ewaride mɨ, chi Ẽpẽra Warra, mɨ jua chaareadepa jɨ̃ararãne cheit'a mãɨnepa k'ĩrawãrea bɨt'a ununaipɨ.

Marco 14:62

Jesupa p'anoosima: —Ãjã, mɨpɨ. Mãrapa mɨ, chi Ẽpẽra Warra ununaipɨ Tachi Ak'õre chi Ne Ãarea P'ue Bɨ juaraari suak'abari bɨt'a mãɨnepa jɨ̃arane cherut'a.

Marco 8:37

¿Jõmasã́ teai bɨma, ichi piuemaapa?

Luca 19:26

Chi minachia k'awa bɨpa jarasima: “Mɨa jararuma: Abaɨpa Tachi Ak'õre k'orea piarã k'awaipɨra, Tachi Ak'õrepa mãɨ atepe k'awapiipɨ. Maamina chi atua bɨpa ne k'awa bɨ k'ɨ̃risiaipɨra, ichia k'ɨ̃risia bɨ sida Tachi Ak'õrepa mãɨ ẽemariipɨ”.

Luca 9:26

Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:51

Maapae Jesupa jarasima: —Mɨa piarã jararuma: mãrapa pajã ewa nɨbɨt'a ununaipɨ. Mãɨnepa ununaipɨ Tachi Ak'õrepa ɨt'aripa peedaɨrã mɨ, chi Ẽpẽra Warra bɨmá chedak'ari ya ɨt'aa wãutat'a.

Juan 12:34

Ẽpẽerã mãma p'anɨrãpa Jesua jarasidama: —Moisepa bɨdadepa taipa k'awa p'anɨma Tachi Ak'õrepa Tachi K'aripaparí teai jarada mãɨ ewaricha piuk'apɨɨt'a. Pɨa ¿sãmaasã́ jara bɨma chi Ẽpẽra Warra ɨt'ɨ barijira bɨdayade a bɨt'a? Mãɨ Ẽpẽra Warra ¿k'aima?

Juan 5:27

Mãɨ awara mɨ bɨsima ãareaɨrã ɨtɨamẽrá, mɨ Ẽpẽra Warra pẽra.

Hecho 10:22

Ãchia p'anoosidama: —Tai papaká berã chi mãɨrã chaarea bɨ Corneliopa peesima. Ichi ẽpẽra jĩp'a bɨma mãɨnepa Tachi Ak'õre wap'ea bɨma. Ãarea judiorãpa ichi k'orea pia k'ɨ̃risia p'anɨma. Tachi Ak'õrepa ɨt'aripa peedapa mãɨ pɨ tiidá chepik'ari maapae pɨ pedea ũrimẽrá.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

1 Tesalonicense 2:19

Piarã tai mãra k'orea arapá p'anɨma. Mãɨ awara k'awa p'anɨma Tachi Chipari Jesucristo cherude taipa mãra jĩp'a p'anɨt'a ichiá unupidaipɨ. Mãɨne ichi k'ĩrari mãra k'orea tai sõpia p'ananaipɨ.

1 Tesalonicense 3:13

Mãɨnepa ɨt'aa chiidi p'anɨma Cristopa mãra k'aripak'ari, sõnepa minachia ĩjãanamẽrá. Mãɨya Tachi Chipari Jesú jõma ichidirã ome cherude mãra Tachi Ak'õre, tachi Pajãnepema Ak'õre taade nemietá newẽa p'ananaipɨ.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Hebreo 11:26

Tachi Ak'õrepa Tachi K'aripaparí teai jarada piarã cheide ĩjãana pẽra, ichia k'ɨ̃risiasima Egitodepema nepia uru bai k'aepẽra pia bɨma minachia mĩa bait'a. Tachi Ak'õrepa k'aadeapema ewaride teai jarada pia jita k'ɨ̃riana pẽra mãɨya k'ɨ̃risia basima.

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.

1 Juan 2:23

Chi Tachi Ak'õre Warra itu bɨ bɨpa Tachi Pajãnepema Ak'õre uru bɨwẽma. Chi Jesú Tachi Ak'õre Warraade a bɨpa Tachi Pajãnepema Ak'õre sida uru bɨma.

1 Juan 2:28

Mɨ warrarã, Cristo ome ará p'anat'ɨ. Mãɨya ichi cherude tachi ne wap'eawẽa mãɨnepa k'ĩra p'erawẽa ichi k'ĩrari p'ananaipɨ.

Apocalipsi 14:10

Tachi Ak'õrepa k'ĩruupidepa mãɨ ẽpẽra minachia piawẽa ooipɨ uvaba asia k'ĩruu bɨdepa tearu jĩra. Mãɨ ẽpẽerã jõma Tachi Ak'õrepa ɨt'aripa peedaɨrã k'ĩrari mãɨnepa chi Oveja Chak'e k'ĩrari azup're uruapa mãɨnepa t'ɨpɨ taudepa minachia mĩa baipɨ.