Marco 8:35 - Tachi Ak'õre Pedea

³⁵ Abaɨ pida nãɨ ĩjũane pia bai k'orea jɨrɨ baipɨra, mãɨ atuaipɨ. Maamina abaɨ pida mɨ k'orea piuipɨra wa chi pedea pia jara bɨ k'orea piuipɨra, Tachi Ak'õre ome ewaricha chok'ae baipɨ.

Marco 8:35 ပူးပေါင်းရင်းမြစ်များ

Mateo 10:22

Ãareaɨrãpa mãra unuemaanaipɨ mɨne ĩjãa p'anɨ k'orea. Maamina mãrapa mãɨ ewari chaareade mɨne ĩjãa p'anɨ itu bɨdaepɨra, Tachi Ak'õrepa k'aripaipɨ.

Mateo 10:39

Abaɨ pida nãɨ ĩjũane itu ichi k'orea k'ɨ̃risia bɨpɨra, mãɨ atuaipɨ. Maamina abaɨ pida mɨ k'orea piuipɨra, mãɨ Tachi Ak'õre ome ewaricha chok'ae baipɨ.

Mateo 16:25

Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ.

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Marco 8:36

Ẽpẽra nãɨ ĩjũane ne ãarea uru bɨde piuipɨra, ¿ichia uru bɨpa k'aripaik'ãra?

Luca 17:33

Abaɨ pida nãɨ ĩjũane pia bai k'orea jɨrɨ bɨpɨra atuaipɨ. Maamina ne ãarea atuaipɨra, Tachi Ak'õre ome ewaricha chok'ae baipɨ.

Luca 9:24

Abaɨ pida nãɨ ĩjũane pia bai k'orea jɨrɨ baipɨra, k'aadea ewari parude ichi atuaipɨ. Maamina abaɨ pida mɨ k'orea piuipɨra, Tachi Ak'õre ome ewaricha chok'ae baipɨ.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

1 Corintio 9:23

Mɨa jõma mãɨ jĩra ooparima chi pedea pia Cristo k'orea k'awapii k'orea. Mãɨya mɨa pida Tachi Ak'õrenepa nepia jitaipɨ.

2 Corintio 12:10

Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Hebreo 11:35

Chi eda waapẽarã wẽerãpa Tachi Ak'õrene ĩjãa p'anana pẽra chi ẽpẽrarã ãchidirã piudada pada chok'ae p'irabaripidada unusidama. Maamina waapẽarã Tachi Ak'õrene ĩjãa p'anɨ k'orea ẽpẽerãpa minachia jok'aedak'ari peasidama. Eda serra p'anasidama, minachia mĩapidai k'orea. Mãma ãchi k'ẽet'aadayade asidama chi Tachi Ak'õrene waa ĩjãanaiwẽa p'anɨane adaipara. Maamina itu peapisidama, chok'ae p'irabaridak'ari piipará p'ananait'a nɨ p'anana pẽra.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.