Marco 8:22 - Tachi Ak'õre Pedea

²² Betsaida p'uurude chesidaɨde waapẽarãpa ẽpẽra tau p'ãrio bɨ Jesumá ateewãnak'ari chichupuria idisidama t'õmarik'ari ya jɨpamẽrá.

Marco 8:22 ပူးပေါင်းရင်းမြစ်များ

Mateo 11:21

Nãɨya jarasima: —¡Corazín p'uurudepemarã mãɨnepa Betsaidadepemarã chupuri p'anɨma, Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena Tirode mãɨnepa Sidone oodapara, mãɨ p'uurudepemarãpa isapea nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea neet'á sõp'ua p'anɨne jɨ̃pataɨ jɨ̃nai pasima, mãɨnepa et'abarra jora ɨt'aa p'odai pasima ãchi poro ɨ̃rɨ.

Mateo 14:36

Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.

Mateo 8:15

Jesupa ichi jua t'õmarik'ari, mãɨ k'ɨa nɨbada tuusima. P'irabarik'ari ãchiá nek'opisima.

Mateo 8:3

Mãɨne Jesupa jua ɨ̃rɨ bɨrude jarasima: —Mɨa mãɨya oo k'ɨ̃ria bɨma. ¡Jɨpa beese! Ara mãɨne mãɨ ẽpẽra aida pará bada wẽpasima.

Mateo 9:29

Maapae Jesupa ãchi taude t'õmarik'ari jarasima: —Mãrapa ĩjãa p'anɨ jĩra mɨa ooipɨ.

Marco 2:3

Mãɨya bɨde ẽpẽra k'ĩmari p'anɨrãpa bɨɨrɨ sorek'ea bɨt'a enemeesidama.

Marco 6:45

Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria lao, Betsaidadea wãnamẽrá. Mãɨne ichi mãma beesima ẽpẽerã ãchi tiidá peek'ayá.

Luca 10:13

»¡Corazín p'uurudepemarã mãɨnepa Betsaidadepemarã chupuri p'anɨma Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena ooda Tirode mãɨnepa Sidone oodapara, mãɨ p'uurudepemarãpa isapea ãchi nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea et'abarra jora ãchi poro ɨ̃rɨ p'odai pasima mãɨnepa neet'á sõp'ua p'anɨne jɨ̃pataɨ jɨ̃nai pasima.

Luca 9:10

Jesupa peedaɨrã jĩitea chesidaɨde ãchia oodada ichiá ãarea nepɨrɨsidama. Mãɨya bak'ari Jesupa ãchi Betsaida p'uurudea ateewãsima, ãchi ará p'aneenai k'orea.

Juan 1:44

Mãɨ P'elipe Betsaida p'uurudepema pasima. André mãɨnepa Pedro mãmapema pasima.

Juan 12:21

Mãɨrã chi P'elipemá wãsidama. Mãɨ P'elipe Galilea tuade bɨ Betsaida p'uurudepema pasima. Ãchia P'elipea jarasidama: —Taipa Jesú unu k'ɨ̃ria p'anɨma.