Marco 7:5 - Tachi Ak'õre Pedea

⁵ Mãɨne p'ariseorãpa mãɨnepa Moisepa bɨda jarateapataɨrãpa Jesua idisidama: —¿K'ãre k'orea pɨ ome p'ɨrrɨapataɨrãpa tachi chõarãenapemarãpa jarateadada oodak'ama? Mãɨ jarateadada itu bɨdak'ari, ãchi jua sɨɨdawẽa nek'opatama.

Marco 7:5 ပူးပေါင်းရင်းမြစ်များ

Mateo 15:2

—Pɨ ome p'ɨrrɨapataɨrã jua sɨɨdawẽa nek'opatama. ¿K'ãre k'orea tachi chõarãenapemarãpa jarateadada itu bɨpatama?

Marco 7:13

Mãɨya mãra chõarãenapemarãpa jarateadada ĩjãa p'anɨnepa Tachi Ak'õre pedea itu bɨpatama. Mãrapa ne minachia ara mãɨ jĩra oopatama.

Marco 7:8

Mãɨya chi Tachi Ak'õrepa oopi bɨ pedea mãrapa itu bɨpatama, chõarãenapemarãpa jarateadadat'u ĩjãanai k'orea.

Marco 7:9

Mãɨ awara Jesupa jarasima: —Mãramá pia bɨma Tachi Ak'õrepa oopi bɨ pedea awara bɨdait'a, ara machia oopataɨ oodai k'orea.

Hecho 21:21

Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a.

Hecho 21:24

Mãɨ ũpẽarã Tachi Ak'õre te minachia bɨdea ateewãse. Mãma chi Tachi Ak'õre k'ĩrari pia p'ananai k'orea oot'ɨ. Ãchia Tachi Ak'õrea teadai p'anɨt'a mãɨ pɨapuru tease. Mãɨyara ãchi p'ue poro u'urua wẽpidaipɨ k'awapidai k'orea ãchia ne ooi jaradaadat'a jõma oosidama. Mãɨpa ãareaɨrãpa k'awadaipɨ chi pɨ k'orea jara p'anɨt'a mãɨ seat'a, mãɨnepa k'awadaipɨ pɨ piarã jĩp'a baparit'a Moisepa bɨdade jara bɨ jĩra.

Romano 4:12

Mãɨnepa Abrahanpa ichi k'ak'ua tauchaai naena ĩjãa bada jĩra k'ak'ua tauchaa berãpa ĩjãanaipɨra Abrahán ãchi ak'õrepɨ.

Gálata 1:14

Judiorãpa jarateapataɨ mɨa atepe k'awaru pasima mɨ aɨk'aɨrã k'aepẽra, tai chõarãenapemarãpa oopataɨ minachia oopachideepuru.

2 Tesalonicense 3:11

Taipa ũri p'anɨma ara machi ũpẽarã paara, eda chi k'oa pará be p'anɨ. Ãchi mimianak'ama mãɨpari chĩara nepɨrade p'anapatama.

2 Tesalonicense 3:6

Ũpẽarã, Tachi Chipari Jesucristo t'ɨ̃nepa taipa mãrá jara peeutama ũpẽarã k'oa be ome ará p'anapidaemaapa. Jãɨrãpa taipa jarateadada jĩra oodak'ama.