Marco 7:4 - Tachi Ak'õre Pedea

⁴ Mãɨnepa ne netopataɨdepa chedak'ari p'ue jua sɨɨdawẽa nek'odak'ama. Mãɨ awara chõarãenapemarãpa jarateadada jĩra ne minachia oopatama: ãchi pasu, chok'o mãɨnepa p'arat'u cobre ooda, sɨɨpatama).

Marco 7:4 ပူးပေါင်းရင်းမြစ်များ

Mateo 23:25

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa pasu mãɨnepa p'arat'u ɨ̃rɨpema pia sɨɨpatama, maamina eda mietá bɨma. Ara mãɨ jĩra mãra sõne ne ãarea ara machi pae ata k'ɨ̃riapatama mãɨnepa chi mãrapa k'ɨ̃ria oodat'a mãɨt'u oopatama.

Mateo 23:26

¡P'ariseo tau p'ãrio be jĩra p'anɨma! Naa pasu mãɨnepa p'arat'u eda sɨɨse; maapae ɨ̃rɨpema sida pia sɨɨ beeipɨ.

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Marco 7:8

Mãɨya chi Tachi Ak'õrepa oopi bɨ pedea mãrapa itu bɨpatama, chõarãenapemarãpa jarateadadat'u ĩjãanai k'orea.

Juan 2:6

Mãɨne chok'o mawara ooda sei arí p'anasidama. Judiorãpa mãɨ chok'o mawara ooda mãɨya oopatama, Tachi Ak'õre pae pia awara bɨdamẽrá. Chok'ocha cincuenta wa setenta pot'eya wãpatama.

Juan 3:25

Mãɨ ewaride waapẽarã Juan ome p'ɨrrɨapataɨrã judio aba bɨ ome k'ĩruu pedeasidama, ne sɨɨdak'ari, ya mãɨ k'orea Tachi Ak'õrepa ãchi pia unumẽrá.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.