Marco 7:34 - Tachi Ak'õre Pedea

³⁴ Maapae pajãnea ak'ɨk'ari ɨbɨa ɨ̃apaak'ari arameo pedeade jarasima: «¡Ep'atá!» Mãɨ pedea jara k'ɨ̃ria bɨma «Ewase».

Marco 7:34 ပူးပေါင်းရင်းမြစ်များ

Marco 1:41

Jesupa sõchupuriada pẽra ichi jua ɨ̃rɨ bɨrude nãɨya jarasima: —Mãɨya oo k'ɨ̃ria bɨma. ¡Jɨpa beese!

Marco 15:34

Hora ũpea pak'ari Jesupa jĩk'ua jarasima: «Eloí, Eloí, ¿lama sabactani?» Mãɨ arameo pedeade jara k'ɨ̃ria bɨma: «Mɨ Ak'õre, mɨ Ak'õre, ¿k'ãre k'orea mɨ tuaba ameesima?»

Marco 5:41

Wẽrak'au juade jitak'ari Jesupa jarasima: —Talitá cum. (Mãɨ arameo pedeade jara bɨma: “K'au chae, mɨa pɨá jararuma: p'irabarise”).

Marco 6:41

Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá.

Marco 7:35

Ara mãɨne ichi k'ɨɨrɨ ewak'ari, pia ũri beesima. Ichi k'ĩrame jɨpa beeda pẽra pia pedea beesima.

Marco 8:12

Jesú ɨbɨa ɨ̃apaak'ari jarasima: —Mãra idiapaepemarã ẽpẽerãpa ¿k'ãre k'orea ẽpẽerãpa ne p'ue oodak'apɨ́ unu k'ɨ̃ria p'anɨma, mɨ Tachi Ak'õrenepa cherut'a k'awadayá? Mɨa piarã jararuma: mɨa ẽpẽerãpa ne p'ue oodak'apɨ́ ooiwẽma.

Luca 18:42

Jesupa jarasima: —Unu beese. Pɨa ĩjãana pẽra jɨpa beesima.

Luca 19:41

Jesú Jerusalén k'ait'a cherude, chi p'uuru unusima. Mãɨ p'uuru k'orea jẽasima.

Luca 7:14

Maapae orrobarik'ari chi pak'uru tabla t'õmarisima. Mãɨ k'orea chi mãɨ ateewãutarã bai nɨp'aneesidama. Mãɨne Jesupa jarasima: —K'ũtã́, mɨa pɨá jararuma, p'irabarise.

Juan 11:33

Jesupa María jẽaru mãɨnepa judiorã ichi ome chedada sida jẽauta unuside ãchi k'orea minachia sõp'ua nɨbeek'ari k'ĩruu ɨ̃apaasima.

Juan 11:35

Jesú jẽasima.

Juan 11:38

Jesú mãicha k'ĩruu ɨ̃apaaside Lázaro p'ẽya uriade t'ɨbaridaadamá chesima. Chi eda wãpataɨ mawarapa jɨ̃a basima.

Juan 11:41

Mãɨya bɨde ẽpẽerãpa mawara ãyá bɨsidama. Maapae Jesupa ɨt'aa ak'ɨk'ari jarasima: —Ak'õre, mɨa pɨá pia jaraipɨ mɨa idida ũrina pẽra.

Juan 11:43

Mãɨya jarak'ari Jesupa jĩk'ua jarasima: —¡Lázaro, tajatá chese!

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Hecho 9:34

Mãɨne Pedropa jarasima: —Enea, Jesucristopa pɨ jɨpa beepisima. ¡P'it'ɨk'ari, pɨchi k'ɨda jitase! Ara mãɨne Enea p'it'ɨsima.

Hecho 9:40

Mãɨne Pedropa ãareaɨrã tajatá wãpisima. Sĩraporode k'obeek'ari Tachi Ak'õrea ɨt'aa chiidisima Dorca chok'ae p'irabaripimẽrá. Ɨt'aa chiidik'ari chi piudamá ak'ɨrude jarasima: —Tabita ¡p'irabarise! Ara mãɨne ichi tau uruasima. Pedro unuk'ari suak'abari beesima.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.