Marco 7:3 - Tachi Ak'õre Pedea

³ (P'ariseorãpa mãɨnepa chi waapẽarã judiorãpa jua mi ãpia pida p'ue sɨɨdawẽa nek'odak'ama, chi chõarãenapemarãpa jarateadada jĩra.

Marco 7:3 ပူးပေါင်းရင်းမြစ်များ

Marco 7:13

Mãɨya mãra chõarãenapemarãpa jarateadada ĩjãa p'anɨnepa Tachi Ak'õre pedea itu bɨpatama. Mãrapa ne minachia ara mãɨ jĩra oopatama.

Marco 7:5

Mãɨne p'ariseorãpa mãɨnepa Moisepa bɨda jarateapataɨrãpa Jesua idisidama: —¿K'ãre k'orea pɨ ome p'ɨrrɨapataɨrãpa tachi chõarãenapemarãpa jarateadada oodak'ama? Mãɨ jarateadada itu bɨdak'ari, ãchi jua sɨɨdawẽa nek'opatama.

Luca 11:38

Maamina Jesú nek'oi naena jua sɨɨwẽa basima ãchia oopataɨ jĩra. Mãɨ unuside p'ariseopa k'awa k'ɨ̃risiaé pasima.

Juan 2:6

Mãɨne chok'o mawara ooda sei arí p'anasidama. Judiorãpa mãɨ chok'o mawara ooda mãɨya oopatama, Tachi Ak'õre pae pia awara bɨdamẽrá. Chok'ocha cincuenta wa setenta pot'eya wãpatama.

Gálata 1:14

Judiorãpa jarateapataɨ mɨa atepe k'awaru pasima mɨ aɨk'aɨrã k'aepẽra, tai chõarãenapemarãpa oopataɨ minachia oopachideepuru.

Colosense 2:8

Jĩrak'aua p'anat'ɨ mi abaɨa pida mãra seapidaemaapa chi pari k'ɨ̃risiapiparidepa mãɨnepa seaparí k'ɨ̃risiadepa. Jõma makɨɨ chõarãenapema k'ɨ̃risiat'a jaore chaarearã nãɨ ĩjũanepemapɨ. Mãɨ pedea Cristo k'oreawẽpɨ.

1 Pedro 1:18

Mãra naena piawẽa be k'ɨ̃risiadepa nipapachidama mãra chõarãenapemarãpa mãɨya jarateapachida pẽra. Maamina k'awa p'anɨma Tachi Ak'õrepa mãra mãɨnepema k'aripasit'a. Mãra ataé pasima nee jõpariidepa, wa p'arat'a jõpariidepa, mãɨpari Cristo oa chi neepɨa bɨdepa atasima. Cristo chi piipará bɨ oveja chak'e Tachi Ak'õrea paateada jĩra basima.