Marco 7:26 - Tachi Ak'õre Pedea

²⁶ Mãɨne chichupuria idisima Jesupa jaore mietá ichi k'au k'ak'uadepema ãyá jeret'aamẽrá. Maamina chi wẽra judio wẽrawẽ pasima. Mãawẽa Sirop'eniciadepema pasima.

Marco 7:26 ပူးပေါင်းရင်းမြစ်များ

Mateo 15:22

Mãɨne cananeo wẽra mãɨ tuadepema Jesú nimá chesima. Mãɨ wẽrapa nãɨya jĩk'ua pedea nɨbeesima: —¡Mɨ Chipari, Davidepa cheda, mɨ k'ĩra chupuriase! Mɨ k'au jaore mietapa minachia mĩapi bɨma.

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Marco 7:25

Mãɨ tuade wẽra basima. Ichi k'au jaore mietá pará basima. Mãɨ wẽrapa Jesú k'orea ũriside ichi bɨmá wãk'ari ichi jĩru k'ait'a sĩraporode k'obeesima.

Marco 7:27

Jesupa ichiá jarasima: —Warrarã́ itu naa k'opise. Pia bɨwẽma warrarãpa nek'omaa p'anɨt'a ẽemarik'ari usarã́ p'eut'aa teait'a.

Gálata 3:28

Mãɨ jara bɨma judio griego ome abarik'a p'anɨma, chi chipari pae pari mimiaparí mãɨnepa chi chipari pae pari mimiak'apɨ́ ome abarik'a p'anɨma, mãɨnepa ɨmɨk'ĩra wẽra ome abarik'a p'anɨma. Jõma mãra ẽpẽra aba bɨ jĩra p'anɨma, Jesucristo ome ará p'anɨ pẽra.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.