Marco 7:2 - Tachi Ak'õre Pedea

² Mãɨne unusidama chi eda waapẽarã Jesú ome p'ɨrrɨapataɨrã jua sɨɨdawẽa nek'o p'anɨt'a, mãɨ chõarãenapemarãpa oopachida jĩra.

Marco 7:2 ပူးပေါင်းရင်းမြစ်များ

Mateo 15:2

—Pɨ ome p'ɨrrɨapataɨrã jua sɨɨdawẽa nek'opatama. ¿K'ãre k'orea tachi chõarãenapemarãpa jarateadada itu bɨpatama?

Marco 7:5

Mãɨne p'ariseorãpa mãɨnepa Moisepa bɨda jarateapataɨrãpa Jesua idisidama: —¿K'ãre k'orea pɨ ome p'ɨrrɨapataɨrãpa tachi chõarãenapemarãpa jarateadada oodak'ama? Mãɨ jarateadada itu bɨdak'ari, ãchi jua sɨɨdawẽa nek'opatama.

Luca 11:38

Maamina Jesú nek'oi naena jua sɨɨwẽa basima ãchia oopataɨ jĩra. Mãɨ unuside p'ariseopa k'awa k'ɨ̃risiaé pasima.

Hecho 10:28

Maapae ichia jarasima: —Mãrapa k'awa p'anɨma tai judiorã judiorãwẽ ome p'ɨrrɨadaiwẽa p'anɨt'a mãɨnepa judiorãwẽ tede eda wãnaiwẽa p'anɨt'a. Maamina Tachi Ak'õrepa mɨá k'awapisima abaɨ k'orea mɨa mãɨ Tachi Ak'õre k'ĩrari piawẽa bɨade aiwẽa bɨma, wa ichi mietá bɨade aiwẽa bɨma.

Hecho 11:8

Maamina mɨa jarasima: “Mɨa mãɨ k'oiwẽma, mɨ Chipari. Taipa k'odak'apɨɨt'a wa chi pɨ k'ĩrari nemietá bɨt'a mɨa k'ok'ama”.

Romano 14:14

Mɨ Tachi Chipari Jesucristo ome bɨ pẽra piarã k'awa bɨma mi ãpia pida chik'o mietá bɨwẽt'a. Maamina abaɨmá paritua chik'o k'oi pia bɨwẽpɨra, makɨɨ k'oiwẽa bɨma.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.