Marco 6:52 - Tachi Ak'õre Pedea

⁵² ãchi sõ chaarea p'anana pẽra mãɨnepa chi Jesupa p'ana ãpia bɨdepa ẽpẽerã chok'ará nek'opida k'orea k'awadawẽa p'anasidama.

Marco 6:52 ပူးပေါင်းရင်းမြစ်များ

Marco 16:14

Mãɨya nak'ari chi Jesú ome p'ɨrrɨapataɨrã once p'anɨ nek'omaa p'anasidaɨde ara ichi unupisima. Ãchi sõ chaareadepa ĩjãanawẽa p'anana pẽra mãɨnepa chi ichi chok'ae p'irabarida ununaanapa ãchiá jarada ĩjãanawẽa p'anana pẽra, ãchi ɨtɨasima.

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Marco 7:18

Mãɨne Jesupa jarasima: —¿Mãra pida mãɨ p'ue ũrinawẽk'ãra? ¿Nãɨ k'awadawẽa p'anɨk'ãra? Chi tachia chik'o k'outapa mãɨ tachi mietá beepik'ama,

Luca 24:25

Mãɨpuru Jesupa ãchiá jarasima: —¡Jõma Tachi Ak'õre pari pedeapataɨrãpa jaradada mãrapa ĩjãanawẽa p'anɨma! ¡Mãra k'ɨ̃risia nea p'anɨma!

Juan 12:40

«Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

Romano 11:7

¿Mãɨnepema sãmaasã́ k'ɨ̃risia p'anɨma? Israel ĩjũanepemarãpa Tachi Ak'õre p'uuru padai jɨrɨ p'anamina, mãɨya oodaé pasima. Maamina israel ĩjũanepemarã chok'araawẽa p'anɨpa ĩjãasidama, Tachi Ak'õrepa jɨrɨ atada pẽra. Waapẽarãpa ĩjãanai k'ɨ̃rianaé pasima.