Marco 6:14 - Tachi Ak'õre Pedea

¹⁴ Herode Galilea tuadepema chi poro jũra jɨ̃parí jɨ̃ bɨ pasima. Mãɨ Herodepa Jesupa ooda k'orea ũrisima. Chi eda waapẽarãpa Jesú k'orea nãɨya jarapachidama: «Juan chi Porochoaparí chok'ae p'irabarisima. Mãɨpuru jõma ẽpẽerãpa ne p'ue oodak'apɨɨrã p'ue oo bɨma».

Marco 6:14 ပူးပေါင်းရင်းမြစ်များ

Mateo 9:31

Maamina mãmapema wãnak'ari Jesupa ãchi ome ooda jõma mãɨ tuade jarade wãsidama.

Marco 1:28

Mãɨ k'orea jõma Galilea tuade tãaraawẽa bɨde Jesú t'ɨ̃ p'oa nɨbeesima.

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Marco 8:28

Ãchia p'anoosidama: —Chi eda waapẽarãpa jara p'anɨma pɨ Juan chi Porochoaparipɨ. Chi eda waapẽarãpa jara p'anɨma pɨ Eliapɨ. Chi eda waapẽarãpa jara p'anɨma pɨ Tachi Ak'õre pari pedeaparipɨ.

Luca 13:31

Mãɨ ewaride waapẽarã p'ariseorã orrobaridak'ari Jesua jarasidama: —Nãmapema isapea wãse. Herodepa pɨ pea k'ɨ̃ria bɨma.

Luca 3:1

Tiberio chi Romanepema atepe poro chaarea bɨ quince ãyo pa bɨde, Poncio Pilato Judea tuade chi minachia k'awa bɨ pasima. Herode Galilea tuade chi minachia k'awa bɨ pasima. Chi ũpẽa P'elipe Traconite tuade mãɨnepa Iturea tuade chi minachia k'awa bɨ pasima. Lisania Abilene tuade chi minachia k'awa bɨ pasima.

Luca 7:17

Mãɨpuru ãarea Judea tuade mãɨnepa mãma k'ait'a berã tuade Jesú k'orea ãarea ũripachidama.

Luca 9:19

Ãchia p'anoosidama: —Waapẽarãpa jara p'anɨma pɨ Juan chi Porochoaparipɨ. Waapẽarãpa jara p'anɨma pɨ Eliapɨ. Waapẽarãpa jara p'anɨma pɨ chõarãenapema Tachi Ak'õre pari pedeaparí chok'ae p'irabaridapɨ.

1 Tesalonicense 1:8

Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima?

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.