Marco 3:7 - Tachi Ak'õre Pedea

⁷ Galilea tuadepemarã minachia ichi k'aade wãsidaɨde, Jesú mãɨnepa chi ichi ome p'ɨrrɨapataɨrã Galilea senianea wãsidama.

Marco 3:7 ပူးပေါင်းရင်းမြစ်များ

Mateo 10:23

P'uuru abaɨde ẽpẽrarãpa mãra piawẽa oodai k'orea ẽp'ẽnaipɨra, awara p'uurudea mĩruwãt'ɨ. Mɨa piarã jararuma: mãra Israeldepema p'uuru becha jõma p'ɨrrɨadai naena mɨ, chi Ẽpẽra Warra cheipɨ.

Mateo 12:15

Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima.

Mateo 12:16

Ichia waapẽarã́ jarapachima ichi k'orea mi ãpia pida jarapidaemaapa.

Mateo 4:25

Mãɨpuru chok'ará Galileadepemarã, Decápoli ĩjũanepemarã, Jerusalenepemarã, Judeadepemarã mãɨnepa Jordán to k'ĩraripemarã Jesú k'aade wãsidama.

Marco 1:39

Mãɨya Galilea tuade ãarea p'ɨrrɨasima. Judiorã ará pedeapataɨ techa jarateapachima. Ichi wãrumá jaore mietá ãyá jerek'oapachima.

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Marco 3:20

Maapae Jesú tiidá eda wãside mãicha ẽpẽerã minachia chesidama. Mãɨpa Jesú mãɨnepa chi ichi ome p'ɨrrɨapataɨrãpa p'ue nek'odaé pasima.

Marco 4:1

Mãicha Jesupa Tachi Ak'õre pedea senia minachia bɨ ik'idá jaratea beesima. Mãɨne ichimá minachia cheepɨrɨsidama. Mãɨpuru p'ãp'orrode batook'ari suak'abari beesima. Chi ẽpẽerã to ik'idá tuaneesidama.

Luca 23:5

Maamina mãicha jarasidama: —Ichia jaratea bɨdepa tai judiorã k'ĩruupik'apiparima. Naa Galilea tuade mãɨya oosima mãɨnepa nãɨ p'uurude pida mãɨya oo bɨma.

Luca 6:12

Ewariaba Jesú eyadea wãsima. Mãma Tachi Ak'õrea ɨt'aa chiidi bɨt'a ewarisima.

Luca 6:17

Maapae Jesú ãchi ome eyadepa edá chedak'ari, k'oriide bai nɨp'aneesidama. Mãma ichi ome p'ɨrrɨapataɨrã chok'ará p'anɨ mãɨnepa waapẽarã ẽpẽerã minachia cheuta ome ará nɨbeesima. Mãɨ ẽpẽrarã Judea tuadepa, Jerusalenepa, senia choma ik'idaapema p'uuru Tirodepa mãɨnepa Sidonepa

Juan 7:41

Mãɨnepa waapẽarãpa jarasidama: «Ichi Tachi Ak'õrepa Tachi K'aripaparí teai jaradapɨ». Maamina waapẽarãpa jarasidama: «Mãɨyawẽma. ¿Tachi Ak'õrepa Tachi K'aripaparí teai jarada Galileadepa cheik'ãra?

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Hecho 17:10

Ara mãɨ teamasi ũpẽarãpa Pablo mãɨnepa Sila Berea p'uurudea peesidama. Padak'ari judiorã ará pedeapataɨ tedea wãsidama.

Hecho 17:14

Ara mãɨne ũpẽarãpa Pablo p'usa ik'idá peesidama. Maamina Sila mãɨnepa Timoteo Berea p'uurude p'aneesidama.