Marco 3:22 - Tachi Ak'õre Pedea

²² Maamina Moisepa bɨda jarateapataɨrã Jerusalén p'uurudepa chedaadapa jarasidama: —Jãɨ Jesú jãɨya bɨma chi jaore mietaarã chi atepe bɨ Beelzebú ichi k'ak'uade uru bɨ pẽra. Ichia jaore mietá ãyá jeret'aaparima, Beelzebupa mãɨ jua chaarea teada pẽra.

Marco 3:22 ပူးပေါင်းရင်းမြစ်များ

Mateo 11:18

»Juan chi Porochoaparipa nek'ok'apɨ́ ewari oopachima mãɨnepa it'ua tok'a pasima. Maamina ẽpẽrarãpa jarapachidama ichi jaore mietá pará bɨt'a.

Mateo 12:24

Maamina ãchia mãɨya jara p'anɨ p'ariseorãpa ũrisidama. Mãɨrãpa jarasidama: «Jãɨ ẽpẽrapa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Mateo 15:1

Mãɨya bak'ari waapẽarã p'ariseorã mãɨnepa Moisepa bɨda jarateapataɨrã Jerusalén p'uurudepa Jesumá chedak'ari idisidama:

Mateo 9:34

Maamina p'ariseorãpa jarasidama: —Jãɨ Jesupa jaore mietá ãyá jeret'aaparima, jaore mietaarã chi atepe bɨpa ichiá mãɨ jua chaarea teada pẽra.

Marco 7:1

Ewariaba p'ariseorã mãɨnepa Moisepa bɨda jarateapataɨrã Jerusalén p'uurudepa Jesumá chesidama.

Luca 11:15

Maamina waapẽarãpa jarasidama: «Jãɨ Jesupa jaore mietá ãyá jeret'aaparima, jaore mietaarã chi atepe bɨ Beelzebupa mãɨ jua chaarea teada pẽra».

Luca 5:17

Ewariaba Jesupa jaratea bɨde p'ariseorã mãɨnepa Moisepa bɨda jarateapataɨrã arí suak'abari p'anasidama. Ãchi Galilea tuadepa, Judea tuadepa mãɨnepa Jerusalén p'uurudepa che p'anasidama. Mãɨne Tachi Chipari jua chaareadepa Jesupa k'ɨdade be jɨpa beepipachima.

Juan 10:22

Mãɨ k'õresã́ ewari parude judiorãpa Jerusalene arapaapataɨ ewari oo p'anasidama. Mãɨya oopachidama Tachi Ak'õre Te ichi pae awara bɨdada k'ɨ̃risiadai k'orea.

Juan 7:20

Mãɨne ẽpẽerãpa idisidama: —¿K'aipa pɨ pea k'ɨ̃ria bɨma? ¿Jaore mietá pɨ k'ak'uade bɨpa mãɨya k'ɨ̃risiapi bɨk'ãra?

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.