Marco 3:18 - Tachi Ak'õre Pedea

¹⁸ Nãɨrã sida bɨsima: André, P'elipe, Bartolomé, Mateo, Tomá, Alp'eo warra Santiago, Tadeo, Simón Cananeo

Marco 3:18 ပူးပေါင်းရင်းမြစ်များ

Mateo 13:55

¿Ichi tachi p'uurudepema pak'urudepa ne ook'oaparí warrawẽk'ãra? Ichi nae ¿Mariawẽk'ãra? Ichi ũpẽarã ¿Santiago, José, Simón mãɨnepa Judawẽk'ãra?

Mateo 9:9

Jesú mãmãɨpa wãrune ẽpẽra Mateo apataɨ unusima. Mãɨ ẽpẽra chi Romanepema pae erreara jɨrɨp'eparí tede suak'abari basima. Jesupa Mateoa jarasima: «Mɨ ome chese». Ara mãɨne Mateo p'irabarik'ari Jesú ome wãsima.

Marco 2:14

Wãrune Jesupa Alp'eo warra Leví unusima. Mãɨ Leví chi Romanepema pae erreara jɨrɨp'eparí tede suak'abari basima. Jesupa ichiá jarasima: «Mɨ ome chese». Ara mãɨne Leví p'irabarik'ari Jesú ome wãsima.

Marco 3:17

Zebedeo warra Santiago, mãɨnepa chi ũpẽa Juan. Mãɨ ũpẽarã Jesupa t'ɨ̃ bɨsima Boanerge, mãɨ t'ɨ̃ «pa warrarã» jara k'ɨ̃ria bɨẽra.

Marco 3:19

mãɨnepa Juda Iscariote, chi mãɨya bak'ari Jesú jitapi bada.

Marco 6:3

¿Ichia pak'urudepa ne ook'oapariwẽk'ãra? ¿María warrawẽk'ãra? ¿Ichi ũpẽarã Santiago, José, Juda mãɨnepa Simonwẽk'ãra? ¿Ichi ũpẽawẽrarã sida tachi t'ãena p'anɨwẽk'ãra? Ãchia Jesude ĩjãanai k'ɨ̃rianaé pasima.

Juan 1:40

Juanpa jarada ũrinak'ari Jesú k'aade wãnana ume p'anasidama. Aba Simón Pedro chi ũpẽa André pasima.

Juan 11:16

Mãɨne Tomá, Mikisu apataɨ basima. Mãɨpa Jesú ome p'ɨrrɨapataɨrã waapẽarã́ jarasima: —Judeadea wãtɨma tachi sida peadamẽrá.

Juan 14:22

Maapae chi abaɨ Juda, Iscariotewẽpa Jesua idisima: —Tai Chipari, ¿sãmaasã́ pɨ taiyá unupiima maamina nãɨ ĩjũanepemarã́ unupiiwẽma?

Juan 21:2

Mãɨ ewaride ará p'anasidama Simón Pedro, Tomá ichi ɨ̃ana t'ɨ̃ Mikisu apataɨ, Natanael Galileade bɨ p'uuru Caná p'uurudepema, Zebedeo warrarã mãɨnepa waapẽarã ume.

Hecho 1:13

Jerusalene padak'ari chi te ɨt'ɨ pará bɨmá ãchi mãma k'ãipataɨmá wãsidama. Ãchi nãɨrã pasima: Pedro, Juan, Santiago, André, P'elipe, Tomá, Bartolomé, Mateo, Alp'eo warra Santiago, Simón chi Celote mãɨnepa Santiago warra Juda.

Hecho 15:13

Mãɨ nepɨrɨk'ari Santiagopa jarasima: —Ũpẽarã, mɨ pedea ũrit'ɨ.

Hecho 21:18

Norema Pablo tai ome Santiago ak'ɨde wãsidama. Ũpẽarã ak'ɨpataɨrã sida ãarea mãma tuanasidama.

1 Corintio 15:7

Mãɨ quiniento ũpẽarãpa Jesú ununak'ari ichi Santiagoa unupisima. Mãɨya bak'ari jõma ichia peedaɨrã́ unupisima.

1 Corintio 9:5

Waapẽarã Jesupa peedaɨrã, Tachi Chipari Jesú ũpẽarã, mãɨnepa Pedro ãchi k'imarã ome nipapatama. Ara ãchi jĩra ¿mɨa Jesude ĩjãaparí wẽra atak'ari, mãɨ ome nipaiwẽa bɨk'ãra?

Gálata 1:19

Pedro awara Jesucristopa peedaɨrãnepema abapuru Tachi Chipari ũpẽa Santiago unusima. Waapẽarã mɨa unué pasima.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

Santiago 1:1

Mɨ Santiagopɨ, Tachi Ak'õre pae pari mimiaparí mãɨnepa Tachi Chipari Jesucristo pae pari mimiaparí. Nãɨ k'art'a bɨruma Israeldepema doce warrarãnepema chedaadarã tuacha berã pae. Mɨa k'ɨ̃ria bɨma mãra pia p'ananamẽrá.

Juda 1:1

Mɨ Judapɨ, Jacobo ũpẽapɨ mãɨnepa Jesucristo pae pari mimiaparipɨ. Nãɨ k'art'a bɨruma ãarea Tachi Pajãnepema Ak'õrepa t'ɨ̃naɨrã pae. Ichia mãra k'ɨ̃ria bɨma mãɨnepa Jesucristodepa ak'ɨ uru bɨma.