Marco 3:11 - Tachi Ak'õre Pedea

¹¹ Ẽpẽra jaore mietá pará bepa Jesú unuutade ichi k'ĩrari sĩraporode k'op'aneenak'ari jaore mietaarãpa ne wap'eadepa biapachidama: «¡Pɨ Tachi Ak'õre Warrapɨ!»

Marco 3:11 ပူးပေါင်းရင်းမြစ်များ

Mateo 14:33

Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama: —¡Pɨ piarã Tachi Ak'õre Warrapɨ!

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Mateo 4:6

Maapae tiorepa jarasima: —Pɨ piarã Tachi Ak'õre Warrapɨra, nãmãɨpa edá jĩitɨse. Tachi Ak'õre pedeade nãɨya bɨ bɨma: Tachi Ak'õrepa ɨt'aripa peedarã peeipɨ pɨ k'aripadamẽrá. Pɨ ãchi juade jitadaipɨ pɨ jĩru mawarapa p'uapiemaapa.

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Mateo 8:31

Mãɨpuru chi jaore mietaarãpa Jesua nãɨya chichupuria idisidama: —Pɨa tai ãyá jeret'aaipɨra, sina k'ak'uade eda wãpise.

Marco 1:1

Nãɨ chi pedea pia Tachi Ak'õre Warra Jesucristo k'orea bɨdapɨ. Naena chi Tachi Ak'õre pari pedeaparí Isaíapa nãɨya bɨsima: «Chi mɨ pari pedeaparí pɨ naa peeipɨ, pɨ pae o jarimẽrá.

Luca 4:41

Ichiaba chok'ará jaore mietaarã ẽpẽrarã k'ak'uadepema jeret'aasima. Wãutade nãɨya bia jarapachidama: «¡Pɨ piarã Tachi Ak'õre warrapɨ!» Ãchia k'awa p'anasidama ichi Tachi Ak'õrepa teai jarada Tachi K'aripaparí. Mãɨ k'orea Jesupa ãchi ɨtɨak'ari, pedeapik'a pasima.

Luca 8:28

Ichia Jesú unuside biasima. Maapae Jesú k'ĩrari sĩraporode k'obeek'ari jĩk'ua jarasima: —Jesú, Tachi Ak'õre chi Atepe bɨ Warra, ¿k'ãre k'orea mɨ ome bariyá bɨma? ¡Mɨ chupuria mɨ mĩapirãse!

Hecho 16:17

Mãɨ ãwẽra Pablo tai ome k'aadea cherude jĩk'ua jarapachima: —¡Nãɨ ẽpẽerã Tachi Ak'õre chi Choma bɨ pae pari mimiapataɨrãpɨ! Ãchia mãrá jara p'anɨma sãmaasã́ mãɨ Tachi Ak'õrepa tachi k'aripaparit'a.

1 Corintio 11:34

Abaɨ pida jarrapisia bɨpɨra ichi tiida nek'oi bɨma. Mãɨya ará jere nɨbeeutade Tachi Ak'õrepa mãra ɨtɨaiwẽma piawẽa oo p'anɨ k'orea. Mɨa wapida jarateai bɨ machimá wãrune jõma jarateaipɨ.

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.