Marco 2:8 - Tachi Ak'õre Pedea

⁸ Ara mãɨne Jesupa ãchia k'ɨ̃risia p'anɨt'a ichi sõne k'awasima. Mãɨpuru ãchiá jarasima: «¿K'ãre k'orea mãra sõne jãɨya k'ɨ̃risia p'anɨma?

Marco 2:8 ပူးပေါင်းရင်းမြစ်များ

Mateo 12:15

Jesupa mãɨ k'ɨ̃risia k'awak'ari, mãmapema wãsima. Ẽpẽerã minachia ichi k'aade wãsidama. Mãɨne Jesupa chi k'ɨdade beada ãarea jɨpa beepik'oasima.

Mateo 16:7

Jesú ome p'ɨrrɨapataɨrãpa ara ãstu pedea para beesima: —Ichia mãɨya jarasima tachia p'ana enemeenaé pada pẽra.

Mateo 9:4

Maamina ãchia k'ɨ̃risia p'anɨ Jesupa k'awasima. Mãɨpuru jarasima: —Mãrapa ¿k'ãre k'orea mãra sõne jãɨya piawẽa k'ɨ̃risia p'anɨma?

Marco 2:7

«¿K'ãre k'orea mãɨya pedea bɨma? ¡Tachi Ak'õre k'ĩrari piawẽa pedea bɨma! Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».

Marco 2:9

Mãramá ¿chi sãɨ jarait'a chaarea bɨma: “Pɨa nemietá ooda k'ɨ̃risia atuayade ait'a wa p'irabarik'ari pɨ ne ẽpẽra uapataɨ atak'ari nipapade ait'a?”

Marco 7:21

Nãɨ ãarea ẽpẽra sõnepa cheparima: k'ɨ̃risia mietá, nemietá awaraɨ ome oo bai, nechɨai, mĩa peai, k'ima awaraɨ ome k'ãii, ãarea uru ba k'ɨ̃ria bai, ne k'achia oo bai, ẽpẽra seai, tachi k'ak'uapa nemietá minachia oo k'ɨ̃ria bɨt'a ooi, abaɨpa uru bɨ k'orea piawẽa k'ɨ̃risiai, abaɨ k'orea sea jarai, abaɨ k'aepẽra atepe pia bɨ jĩra k'ɨ̃risiai mãɨnepa atua bɨ jĩra bai.

Luca 24:38

Maamina Jesupa ãchiá jarasima: —¿K'ãre k'orea mãra p'era p'anɨma? ¿K'ãre k'orea ĩjãanawẽa p'anɨma mɨ chok'ae p'irabarisit'a?

Luca 5:22

Maamina Jesupa ãchia k'ɨ̃risia p'anɨ k'awada pẽra nãɨya idisima: —¿K'ãre k'orea mãra sõne jãɨya k'ɨ̃risia p'anɨma?

Luca 6:8

Maamina ãchia k'ɨ̃risia p'anɨt'a Jesupa k'awa bada pẽra chi ẽpẽra jua sorek'ea bɨa nãɨya jarasima: —P'irabarik'ari ãareaɨrã taade bai nɨbeese. Ara mãɨne chi ẽpẽra p'irabarik'ari maapae bai nɨbeesima.

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.

Juan 6:64

Maamina eda waapẽarãpa waidi mɨ pedea ĩjãanawẽa p'anɨma. Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.

Hecho 5:3

Mãɨne Pedropa jarasima: —Anania, pɨa ¿k'ãre k'orea tiore pɨ sõne itu wãpisima? Pɨa Tachi Ak'õre Jaore sea bɨma. Pɨ ĩjũa netodadepema erreara waapẽarã mẽra uru bɨma.

Hecho 8:22

Mãɨ nemietá itu bɨse. Tachi Chiparia k'ĩra chupuria idise. Mãɨ nemietá pɨ sõne bɨt'a ichia k'ɨ̃risia atuai bɨejã.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.