Marco 2:20 - Tachi Ak'õre Pedea

²⁰ Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.

Marco 2:20 ပူးပေါင်းရင်းမြစ်များ

Mateo 26:31

Mãɨne Jesupa ãchiá jarasima: —Nãɨ teamasi mãrapa ãarea mɨ tuaba ameenaipɨ. Tachi Ak'õre pedeade nãɨya bɨ bɨma: “Mɨa chi oveja ak'ɨparí pearude chi oveja jĩichoadaipɨ”.

Mateo 9:15

Jesupa ãchiá jarasima: —Ɨmɨk'ĩrapa wẽra atarude ¿k'ai sõp'ua baima? Mãɨ ɨmɨk'ĩra chi ichia t'ɨ̃narã ome bɨmisa arapá p'ananaipɨ. Maamina chi ewari ará parude waapẽarã ẽpẽerãpa ichi ãyá ateewãnaipɨ. Maapaepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodai.

Marco 2:19

Jesupa p'anoosima: —Ɨmɨk'ĩrapa wẽra atarude ¿k'aipa Tachi Ak'õrene k'ɨ̃risiadayá nek'odak'apɨ́ ewaride ooima? Mãɨ ɨmɨk'ĩra chi ichia t'ɨ̃narã ome bɨmisa nek'odak'apɨ́ ewaride oodaiwẽma.

Marco 2:21

Tachia neet'á sore k'õa bɨmá p'aru chiwidi ará k'osadak'ama. Mãɨya k'osadaipɨra, chi abaɨ jidibarirupa chi p'aru sore minachia atepe k'õawãipɨ.

Luca 17:22

Maapae Jesupa ichi ome p'ɨrrɨapataɨrã́ nãɨya jarasima: —Ewari chaarea cheipɨ. Mãɨ ewaride mãrapa mɨ, chi Ẽpẽra Warra abaɨpa unu k'ɨ̃rianaipɨ, maamina ununaiwẽma.

Luca 5:35

Maamina chi ewari ará parude waapẽarã ẽpẽerãpa ichi ãyá ateewãnaipɨ. Mãɨ ewaridepuru ichia t'ɨ̃narãpa Tachi Ak'õrene k'ɨ̃risiadayá nek'odak'apɨ́ ewari oodaipɨ.

Juan 12:8

Nenea k'ede ewaricha mãra t'ãena p'ananaipɨ, maamina mɨ mãra ome ewaricha baiwẽma.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Juan 17:13

»Naapae mɨ pɨmá wãipɨ. Maamina wapida nãɨ ĩjũane bɨde mãɨ ãarea jararuma, arapá p'ananamẽrá, mɨ pɨ ome arapá bɨ jĩra.

Juan 3:29

Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

Hecho 3:21

Nãɨena Jesucristo pajãne bɨma aba Tachi Ak'õrepa ne ãarea mãicha pia oorudea. Tachi Ak'õrepa chõarãenapema ewaride chi ichi pari pedeapataɨrãnepa piarã mãɨya ooyade a basima.

1 Corintio 7:5

Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

2 Corintio 11:2

Tachi Ak'õrepa ak'ɨpi bɨ jĩra mɨa mãra minachia ak'ɨ k'ɨ̃ria bɨma. Ẽpẽrapa ichi k'au k'ima tearu jĩra mɨa mãra Cristoa tea k'ɨ̃ria bɨma abapuru ichidirã p'ananamẽrá. Mɨa k'ɨ̃ria bɨma mãra ichi pae minachia pia p'ananait'a ãwẽra ɨmɨk'ĩra atua bɨ jĩra.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

Apocalipsi 19:7

¡Arapaadaipɨ! ¡Arapaadaipɨ! Ichit'a chi Atepe bɨade adaipɨ, chi Oveja Chak'e miak'ãipataɨ ewari cheda pẽra. Ichi k'ima pai bɨ k'ak'apiasima.

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».