Marco 2:17 - Tachi Ak'õre Pedea

¹⁷ Mãɨ ũrik'ari Jesupa jarasima: —Chi k'ak'ua pia bepa nẽará teaparí jɨrɨdak'ama. Mãɨpari chi k'ak'ua piawẽa bepa ichi jɨrɨpatama. Mɨ chi jĩp'a berã t'ɨ̃i k'orea chewẽa bɨma, mãɨpari nemietá oopataɨrãt'u t'ɨ̃ bɨma Tachi Ak'õremá chedamẽrá.

Marco 2:17 ပူးပေါင်းရင်းမြစ်များ

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Luca 15:29

Mãɨne chi warra naapemapa chi ak'õrea jarasima: “Ewaricha mɨ pɨ pae minachia mimiaparima. Pɨa jararu jõma oo baparima. Maamina waidi pɨa cabra chak'e aba pida mɨá teak'ama mɨ chi k'õp'ãerorã ome arapá nek'odai k'orea.

Luca 15:7

»Ara mãɨ jĩra mɨa mãrá jararuma: 99 jĩp'a be k'orea pajãnepemarã sõ arapaapatamina, atepe sõ arapaapatama ẽpẽra aba nemietá ooparí Tachi Ak'õremá cherude.

Luca 16:15

Mãɨne Jesupa ãchiá jarasima: «Mãra waapẽarã k'ĩrari ẽpẽra pia jĩra p'anapatama. Maamina Tachi Ak'õrepa k'awa bɨma mãra piarã sãmaasã́ p'anɨt'a. Ẽpẽrarãpa pia unupataɨ, mãɨ Tachi Ak'õrepa pia unuk'ama.

Luca 19:10

Piarã mɨ, chi Ẽpẽra Warrapa chi o atua berã jɨrɨde chesima k'aripai k'orea.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Juan 9:40

Waapẽarã p'ariseorã Jesú k'ait'a p'anɨpa mãɨ pedea ũrisidaɨde idisidama: —Pɨa ¿k'ãre k'orea mãɨya jara bɨma? ¿Tai tau p'ãrio p'anɨk'ãra?

Hecho 20:21

Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.