Marco 2:16 - Tachi Ak'õre Pedea

¹⁶ Mãɨya p'anɨne Moisepa bɨda jarateapataɨrã (chi mãɨrã sida p'ariseorã pasima), ãchia Jesú k'ai ome nek'o bɨt'a unusidama. Mãɨ k'orea p'ariseorãpa Jesú ome p'ɨrrɨapataɨrã́ idisidama: —Mãrá jarateaparipa ¿k'ãre k'orea Romanepema pae erreara jɨrɨp'epataɨrã mãɨnepa waapẽarã nemietá oopataɨrã ome ará nek'oparima?

Marco 2:16 ပူးပေါင်းရင်းမြစ်များ

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

Mateo 5:46

Maamina mãrapa abapuru mãra k'õp'ãerorãt'a k'ɨ̃ria p'ananaipɨra, ¿k'ãret'a nepia Tachi Ak'õrepa teaima? Romanepema pae erreara jɨrɨp'epataɨrã pida mãɨ jĩra oopatama.

Mateo 9:11

Waapẽarã p'ariseorãpa mãɨ unusidama. Mãɨ k'orea Jesú ome p'ɨrrɨapataɨrã́ idisidama: —Mãra jarateaparí ¿k'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Marco 2:15

Mãɨya nak'ari Jesú chi ichi ome p'ɨrrɨapataɨrã paara Leví tiidá nek'ode wãsidama. Minachia chi Romanepema pae erreara jɨrɨp'epataɨrã mãɨnepa minachia nemietá oopataɨrã mãma suak'a p'anasidama, ãchi sida Jesú ome p'ɨrrɨapachida pẽra.

Marco 2:7

«¿K'ãre k'orea mãɨya pedea bɨma? ¡Tachi Ak'õre k'ĩrari piawẽa pedea bɨma! Aba Tachi Ak'õrepuru ẽpẽrapa nemietá ooda p'ue k'ɨ̃risia atuaipɨ».

Luca 18:11

P'ariseo bai nɨbɨpa ara ichia nãɨya ɨt'aa chiidisima: “Tachi Ak'õre, mɨ sõpia bɨade pɨá aipɨ mɨ waapẽarã jĩra bak'a pẽra. Ãchi nechɨapatama, nemietá oopatama, wẽra awaraɨ ome k'ãipatama. Ichiaba mɨ jãɨ Romanepema pae erreara jɨrɨp'eparí jĩra bɨwẽma.

Luca 19:10

Piarã mɨ, chi Ẽpẽra Warrapa chi o atua berã jɨrɨde chesima k'aripai k'orea.

Luca 19:7

Mãɨ ununak'ari jõmãɨrãpa Jesú k'orea mãɨya piawẽa pedea para beesima: «¡Jãɨ Jesú ẽpẽra nemietá ooparí tede k'ãine wãsima!».

Luca 5:30

Mãɨ unusidaɨde Moisepa bɨda jarateapataɨrãpa mãɨnepa p'ariseorãpa Jesú ome p'ɨrrɨapataɨrã́ nãɨya k'achia pedeasidama: —¿K'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Hecho 23:9

Mãɨpuru minachia k'ĩruu ooroa nɨbeesima. Chi eda waapẽarã Moisepa bɨda jarateapataɨrã, mãɨrã p'ariseorãpa p'irabaridak'ari ɨbɨa jarasidama: —Taipa unu p'anɨma nãɨ ẽpẽra nepɨra newẽt'a. ¿Tachi jaore wa Tachi Ak'õrepa ɨt'aripa peeda ichi ome pedeasiwẽk'ãra? Mãɨyaipɨra ¿sãmaasã́ Tachi Ak'õre ome k'ĩruunaima?

1 Corintio 2:15

Chi Tachi Ak'õre Jaore uru bɨpa Tachi Ak'õre k'orea p'ue minachia k'awaipɨ. Maamina Tachi Ak'õre Jaore nea bɨpa chi Tachi Ak'õre Jaore uru bɨ k'ɨ̃risiat'a p'ue k'awaiwẽma.

Hebreo 12:3

Minachia k'ɨ̃risiat'ɨ ẽpẽra k'achia p'anɨrãpa Jesú piawẽa oosidaɨde sãmaasã́ choasit'a. Mãɨya mãra sẽnawẽma mãɨnepa ĩjãa p'anɨt'a itu bɨdai k'ɨ̃risiadaiwẽma.