Marco 2:1 - Tachi Ak'õre Pedea

¹ Mãɨya bak'ari Jesú mãicha Capernaum p'uurudea wãk'ari, ẽpẽerãpa ichi tiida bɨade a jara para beesima.

Marco 2:1 ပူးပေါင်းရင်းမြစ်များ

Mateo 4:13

Maamina Nazaré p'uurude beé pasima, mãɨpari Capernaum p'uurude bade wãsima. Mãɨ p'uuru senia choma ik'idá bɨma. Nep'talidepa chedaadarã Israel ĩjũane bɨma ichiaba Zabulonepa chedaadarã ĩjũa k'ait'a bɨma.

Mateo 9:1

Jesú p'ãp'orrode batook'ari mãicha senia choma k'ĩaria wãk'ari ichi bapari p'uurudea chesima.

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Marco 2:2

Ẽpẽerã minachia chesidadeepuru, waa k'ɨda neé pasima, chi eda wãpataɨk'á pida. Mãɨne Jesupa Tachi Ak'õre pedea jaratea basima.

Marco 3:20

Maapae Jesú tiidá eda wãside mãicha ẽpẽerã minachia chesidama. Mãɨpa Jesú mãɨnepa chi ichi ome p'ɨrrɨapataɨrãpa p'ue nek'odaé pasima.

Marco 7:17

Maapae Jesupa chi ẽpẽerã ameek'ari tiidá wãk'ari ichi ome p'ɨrrɨapataɨrãpa chi ichia nepɨrɨda k'orea idisidama.

Marco 7:24

Jesú mãmãɨpa Tiro tuadea wãk'ari ẽpẽra tede beesima. Ichi sãma bɨt'a mi ãpia pida abaɨa k'awapi k'ɨ̃riawẽa basima. Maamina k'awasidama.

Marco 9:28

Jesú tiidá wãk'ari chi ichi ome p'ɨrrɨapataɨrãpa ãchi tuaba idisidama: —¿K'ãre k'orea taipa jãɨ jaore mietá p'ue ãyá jeret'aadaé pasima?

Luca 4:23

Jesupa jarasima: —Mãrapa nãɨ pedea mɨá jaradaima: “Nẽará teaparí, ara pɨchi tuaba jɨpa beepise. Pɨa Capernaune ooda taipa ũrisidama. Nãma pɨ p'uurude pida ara mãɨya abarik'a oose”.

Luca 5:18

Mãɨya bɨde waapẽarãpa ẽpẽra sorek'ea bɨ ẽpẽra uapataɨde enemeenak'ari, eda ateewã k'ɨ̃ria p'anasidama Jesú k'ĩrari bɨdai k'orea.

Juan 4:47

Mãɨne ichia ũrisima Jesú Judeadepa Galilea tuadea chesit'a. Ara mãɨne Caná p'uurudea wãsima Jesú bɨmá. Chek'ari chichupuria idisima ichi warra k'ɨdade piumaa bɨt'a jɨpa beepide wãmẽrá.

Hecho 2:6

Mãɨ jĩk'ua pedea ũrisidaɨde ak'ɨde wãsidama. Mãɨne chi Jesude ĩjãapataɨrãpa ara ãchi k'ak'awá ãchi pedeade pedea p'anɨt'a ũrisidama. Mãɨpuru k'awa k'ɨ̃risiadaé pasima.