Marco 16:9 - Tachi Ak'õre Pedea

⁹ Tomione tap'ededa Jesú chok'ae p'irabarik'ari naa María Magdalená unupisima. Mãɨ wẽranepema Jesupa naena jaore mietaarã siete ãyá jeret'aa basima.

Marco 16:9 ပူးပေါင်းရင်းမြစ်များ

Mateo 27:56

Ãchi t'ãena María Magdalena mãɨnepa chi abaɨ María basima. Mãɨ María Santiago, José nae pasima. Ichiaba Zebedeo k'ima pasima.

Marco 15:40

Mãɨne chi eda waapẽarã wẽrarãpa t'ɨmɨɨpa ak'ɨ p'anasidama. Ãchi t'ãena María Magdalena, Salomé mãɨnepa chi abaɨ María basima. Mãɨ María, Santiago chi k'ũtã́ apataɨ mãɨnepa José nae pasima.

Marco 15:47

María Magdalenapa mãɨnepa José nae Mariapa Jesú k'ak'ua mãma bɨutat'a unu p'anasidama.

Marco 16:8

Mãɨne p'era p'anɨpa k'ak'ua wɨwɨrrɨadak'ari, chi wẽrarã Jesú k'ak'ua t'ɨbaridaadamãɨpa mĩruwãsidama. Ne wap'ea p'anɨ pẽra mi ãpia pida abaɨa jaradaé pasima.

Luca 24:10

María Magdalenapa, Juanapa, Santiago nae Mariapa, waapẽarã wẽrarã ãchi ome p'anɨ pida Jesupa peedaɨrã́ mãɨya nepɨrɨsidama.

Luca 8:2

Mãɨ awara wẽrarã ichi ome p'ɨrrɨapachidama. Mãɨ wẽrarã chi eda waapẽarã k'ak'ua piawẽa beada Jesupa jɨpa beepisima mãɨnepa waapẽarã jaore mietá pará beada Jesupa chi jaore mietá ãyá jeret'aasima. Aba María Magdalena pasima. Jesupa ichi k'ak'uadepema jaore mietaarã siete ãyá jeret'aasima.

Juan 20:12

Mãɨne Tachi Ak'õrepa ɨt'aripa peedaɨrã neet'á t'ot'oa jɨ̃ p'anɨ ume eda unusima. Jesú k'ak'ua badamá suak'abari p'anasima, aba chi poro nok'oari, chi abaɨ ichi jĩru badamá.

Hecho 20:7

Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea. Mãɨne Pablopa jaratea basima. Norema wãi bɨ pẽra waa teamasi estarik'a pedeasima.

1 Corintio 16:2

Tomiocha mãracha erreara jitautadepema awara bɨdak'ari yaat'ɨ. Mãɨ mɨ cherude mãrapa jɨrɨp'edaiwẽa p'anɨma.

Apocalipsi 1:10

Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.