Marco 15:8 - Tachi Ak'õre Pedea

⁸ Mãɨne judiorã minachia p'anɨpa Pilatomá chedak'ari idi p'aneesidama chi ichia ãyocha ooparit'a oomẽrá.

Marco 15:8 ပူးပေါင်းရင်းမြစ်များ

Mateo 27:15

Ãyocha judiorãpa mãɨ arapaapataɨ ewari oo p'anɨne, Pilatopa ẽpẽra aba eda jɨ̃a nɨbɨ ewa peepachima, mãɨ chi p'uurudepema ẽpẽerãpa idiutat'a.

Marco 10:1

Maapae Jesú Capernaum p'uurudepa Judea tuadea wãsima Jordán to k'ĩaria. Ẽpẽerã minachia nɨbɨ mãicha ichimá cheepɨrɨsidaɨde ichia oopari jĩra ãchiá jaratea beesima.

Marco 15:7

Mãɨne ẽpẽra aba Barrabá apataɨ basima. Mãɨ Barrabá chi ichidirã paara mãɨ k'ĩruupik'asidaɨde mĩa pea p'anasidama. Mãɨ k'orea eda jɨ̃a nɨbɨsidama chi ẽpẽerã ichidirã paara.

Marco 15:9

Pilatopa k'awa basima p'aarerã chi mãɨrã chaarearãpa Jesú jitapi p'anana ichi unuemaa uru p'anananeepuru. Mãɨ k'orea chi ẽpẽerã minachia cheepɨrɨ nɨbɨa idisima: —¿Mãrapa k'ɨ̃ria p'anɨk'ãra mɨa nãɨ judiorã poro jũra jɨ̃parí jɨ̃ bɨ k'ẽet'ait'a?