Marco 15:43 - Tachi Ak'õre Pedea

⁴³ José Arimatea p'uurudepema Pilatomá wãk'ari Jesú k'ak'ua idisima t'ɨbarii k'orea. Mãɨ José judiorã chi mãɨrã chaarearãnepema aba chi atepe bɨ pasima mãɨnepa k'ɨ̃ria basima Tachi Ak'õrepa ichidirã ichi juade ua bamẽrá.

Marco 15:43 ပူးပေါင်းရင်းမြစ်များ

Mateo 19:30

Mãɨya minachia chi naa p'anɨ k'aadea p'ananaipɨ, mãɨnepa chi k'aadea p'anɨ naa p'ananaipɨ.

Mateo 20:16

»Ara mãɨ jĩra chi k'aadea p'anɨ naa p'ananaipɨ mãɨnepa chi naa p'anɨ k'aadea p'ananaipɨ.

Mateo 27:57

K'iupodode ẽpẽra erreara minachia uru bɨ José apataɨ chesima. Mãɨ José Arimatea p'uurudepema pasima. Ichi sida Jesú ome p'ɨrrɨapachima.

Marco 14:54

Mãɨne Pedro Jesú k'aade t'ɨmɨ nine, chi p'aare minachia k'awa bɨ temá chesima. Chi te audu jũk'a bɨde eda wãk'ari, Pedro chi te ot'eapataɨrã ome t'ɨpɨ k'ã suak'abari beesima.

Marco 15:44

Mãɨne Pilatopa Jesú isapea piusit'a p'ue ĩjãaé pasi pẽra, papaká berã chi mãɨrã chaarea bɨ t'ɨ̃k'ari mãɨa idisima Jesú piarã piusi k'awai k'orea.

Luca 2:25

Mãɨ ewaride ẽpẽra Simeón apataɨ Jerusalene basima. Mãɨ Simeón jĩp'a basima mãɨnepa Tachi Ak'õrepa jara bɨ jĩra pia oopachima. Ichia nɨ basima Tachi Ak'õrepa Israel p'uuru sõpiapii ewarit'a. Tachi Ak'õre Jaore ichi ome basima.

Luca 2:38

Mãɨ chõtã́ Jesú ak'õre mãɨnepa chi naemá orrobarik'ari Tachi Ak'õrea sõpia bayade asima. Maapae chi Tachi Ak'õrepa Jerusalén p'uuru k'aripai ewari nɨ p'anɨrã́ chi warra chak'e k'orea pedeasima.

Luca 23:50

Ẽpẽra José apataɨ basima. Ichi Arimatea p'uuru, Judea tuadepema pasima. Ẽpẽra pia basima mãɨnepa jĩp'a basima. Tachi Ak'õrepa ichidirã ichi juade ua bai nɨ basima. Ichi judiorã chaarearãnepema pasima, maamina ichimá ãchia pedea audada mãɨnepa ãchia oodada piawẽa basima. Ãchia oodada mietá unusima.

Juan 19:38

Mãɨya nak'ari judio José apataɨ Pilatomá wãsima. Mãɨ José Arimatea p'uurudepema pasima. Ichi Jesú ome p'ɨrrɨaparí pasima, maamina mi ãpia pida abaɨa jarak'a pasima waapẽarã judiorã wap'ea bɨ pẽra. Ichia Jesú k'ak'ua Pilatoa idisima t'ɨbaride ateewãi k'orea. Mãɨpuru Pilatopa itu ateewãpisima. Ara mãɨne Josepa Jesú k'ak'ua t'ɨbaride ateewãsima.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 17:12

Mãɨpa minachia judiorãpa Jesude ĩjãasidama. Mãɨnepa minachia griego wẽrarã chi minachia k'awa p'anɨrãpa mãɨnepa ɨmɨk'ĩrarãpa ĩjãasidama.

P'ilipense 1:14

Mãɨ k'orea chok'ará ũpẽarãpa Tachi Chiparidepa Tachi Ak'õre pedea ne wap'eawẽa jara p'anɨma.