Marco 15:21 - Tachi Ak'õre Pedea

²¹ Jesú p'uuru awara ateewãsidaɨde ẽpẽra Simón apataɨ Jerusalenea cheru pasima. Alejandro mãɨnepa Rup'o ak'õre pasima. Ichi Cirene p'uurudepema pasima. Chi papaká berãpa mãɨ ẽpẽrá Jesú k'urusu uapisidama.

Marco 15:21 ပူးပေါင်းရင်းမြစ်များ

Mateo 27:32

Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

Mateo 5:41

Ichiaba ẽpẽra chaarea bɨpa ne chɨk'ɨa uapisira kilómetro aba, sõpia ua ateewãse kilómetro ume.

Marco 15:20

Ichi oo uru p'ananak'ari ãchia chi anamari jɨ̃parí arena k'ĩra bɨt'a jɨ̃pidada wẽasidama. Maapae ichia jɨ̃ bada mãicha jɨ̃pidak'ari k'urusude barijira bɨde ateewãsidama peadai k'orea.

Luca 14:27

Minachia mĩa bai k'orea bɨwẽpɨra, mɨ ome p'ue nipaiwẽma.

Luca 23:26

Jesú k'urusude barijira bɨdai k'orea ateewãsidaɨde, Cirenenepema Simón p'uurudea cheru pasima. Jesupa k'urusu ua nipada mãɨ Simonoa uapidak'ari ichi k'aade ateepisidama.

Juan 19:17

Jesupa ichi k'urusu ua beek'ari papaká berãpa ichi ateewãsidama ĩjũa Poro Bɨɨrɨ apataɨmá. Hebreo pedeade Gólgota apatama.

Hecho 11:20

Mãɨya p'anɨne chi eda waapẽarã Jesude ĩjãapataɨrã Chipredepema mãɨnepa Cirene p'uurudepema Antioquiadea p'aneene wãsidama. Mãɨrãpa griegorã́ pida chi pedea pia Tachi Chipari Jesú k'orea jara p'aneesidama.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 2:10

P'rigiadepema, Panp'iliadepema, Egitodepema, Libia tuade Cirene p'uuru k'ait'adepema mãɨnepa Romanepema nãma p'anɨma. Tachi judiorã mãɨnepa judiorã padada nãma p'anɨma.

Hecho 6:9

Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Romano 16:13

Ũpẽa Rup'o Tachi Chiparipa jɨrɨ atadá mãɨnepa ichi naea pia p'anapade a jara peet'ɨ. Ichi nae mɨ nae jira bɨma.