Marco 14:39 - Tachi Ak'õre Pedea

³⁹ Jesú mãicha wãk'ari ichia naa ɨt'aa chiidida Tachi Ak'õrea ɨt'aa chiidisima.

Marco 14:39 ပူးပေါင်းရင်းမြစ်များ

Mateo 6:7

»Pɨa Tachi Ak'õrea ɨt'aa chiidirude Tachi Ak'õrene ĩjãanak'apɨɨrãpa oopataɨ jĩra oorãse. Ãchia pedea bari k'ak'o minachia ɨ̃rɨ jarapatama k'ɨ̃risia p'anɨ pẽra tãaraa ɨt'aa chiidiutade, Tachi Ak'õrepa pia ũri bɨek'ãra adayá. Maamina mãra Ak'õrea ɨt'aa chiididai naena, ichia k'awa bɨma mãrapa k'ãre k'ɨ̃ria p'anɨ.

Marco 14:38

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Marco 14:40

Maapae chi ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. Mãɨne Jesua k'ãre p'anoonait'a k'awadaé pasima.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

2 Corintio 12:8

Mɨa bari k'ak'o ũpea Tachi Chiparia chichupuria idisima mãɨ p'ua jõpimẽrá.

Hebreo 5:7

Cristo nãɨ k'ak'uade baside ɨbɨa jẽa bɨpa Tachi Ak'õrea jĩk'ua chichupuria idisima, ichi piui bɨdepema p'ue k'aripai bada pẽra. Mãɨne chi Tachi Ak'õrepa k'ɨ̃ria bɨ jĩra ooyade ada pẽra, Tachi Ak'õrepa ichi pedea ũrisima.